తమిళనాడుకు మసాలా కావాలి..: చంద్రబాబు: తిప్పి కొట్టిన విజయ్ పార్టీ- సవాల్

ఏపీ, తమిళనాడు మధ్య పెట్టుబడులు, ఉద్యోగాల కల్పనపై రాజకీయ విభేదాలు తలెత్తాయి. విశాఖపట్నంలో నిర్వహించిన సీఐఐ భాగస్వామ్య సదస్సులో ముఖ్యమంత్రి చంద్రబాబు చేసిన "మసాలా" వ్యాఖ్యలు ఇప్పుడు తమిళనాడులో వేడి పుట్టించాయి. ఆయన చేసిన ఈ వ్యాఖ్యలను ముఖ్యమంత్రి విజయ్ సారథ్యంలో అక్కడ అధికారంలో ఉన్న టీవీకే పార్టీ తప్పుపట్టింది. వీటిని తప్పికొట్టింది. ఎదురుదాడికీ దిగింది.

సీఐఐ భాగస్వామ్య సదస్సులో భాగంగా ఏర్పాటు చేసిన విలేకరుల సమావేశంలో ఈ సంఘటన చోటు చేసుకుంది. పరిశ్రమల తరలింపుపై ఓ విలేకరి అడిగిన ప్రశ్నకు చంద్రబాబు బదులిస్తూ "మీకు (తమిళనాడు) మసాలా కావాలి, నాకు ఫలితాలు కావాలి.." అని నవ్వుతూ వ్యాఖ్యానించారు. పెట్టుబడిదారులు ఎప్పుడూ కూడా తమకు అనుకూలమైన ప్రాంతాలనే ఎంచుకుంటారని అన్నారు. ఈ విషయంలో రాష్ట్రాల మధ్య పోటీ సహజమేనని పేర్కొన్నారు.

CM Vijay led TVK took dig at CM Chandrababu Masala comments on Tamil Nadu and issued a challenge

పారిశ్రామిక అభివృద్ధి ప్రారంభ దశలో రాయితీలు ఇవ్వడం ఏ ప్రభుత్వానికి అయినా అవసరమని చంద్రబాబు అన్నారు. పారిశ్రామిక పునాది బలపడే కొద్దీ వాటిని తగ్గించడం తమ ప్రభుత్వ వ్యూహమని ఈ సందర్భంగా చంద్రబాబు వివరించారు. తాము అమలు చేస్తోన్న పారిశ్రామిక విధానాలకు పెట్టుబడిదారులు ఆకర్షితులవుతున్నారని, లక్షల కోట్ల రూపాయల మేర పెట్టుబడులు పెట్టడానికి మొగ్గు చూపుతున్నారని ఆయన చెప్పారు.

స్కూల్ పిల్లలకు కేకులు, గ్రీటింగ్ కార్డులు పంచిన సీఎం విజయ్
స్కూల్ పిల్లలకు కేకులు, గ్రీటింగ్ కార్డులు పంచిన సీఎం విజయ్

చంద్రబాబు చేసిన మసాలా వ్యాఖ్యలపై టీవీకే ఘాటుగా స్పందించింది. అభ్యంతరం వ్యక్తం చేసింది. టీవీకే అధికార ప్రతినిధి, సీనియర్ అడ్వొకేట్ సత్యకుమార్.. దీనిపై స్పందించారు. తమ రాష్ట్ర పారిశ్రామిక వ్యవస్థ అనేది.. నైపుణ్యం కలిగిన మానవ వనరులు, తరతరాల కష్టంపై నిర్మితం అయ్యాయని, వాటిన్నింటినీ "మసాలా" అంటూ తేలిగ్గా తేల్చిచెప్పడం ఏ మాత్రం సరికాదని, చంద్రబాబు హోదాకు తగదని పేర్కొన్నారు.

రేపే న్యూజిలాండ్ తో సిరీస్ డిసైడర్: టీమిండియాలో మార్పులు
రేపే న్యూజిలాండ్ తో సిరీస్ డిసైడర్: టీమిండియాలో మార్పులు

2027 జనవరిలో దావోస్‌లో జరగనున్న ప్రపంచ ఆర్థిక వేదిక సదస్సు నాటికి సాధించే పెట్టుబడులు, కల్పించే ఉద్యోగాల ఆధారంగా ఏ రాష్ట్రం ముందంజలో ఉందో తేల్చుకుందామని సత్యకుమార్ సవాల్ సైతం విసిరారు. తమ రాష్ట్ర ప్రజల ప్రతిభ, ఇక్కడి పారిశ్రామిక పురోగతిని తక్కువ చేసి మాట్లాడటం సరికాదని అన్నారు. తాము సాధించిన పురోగతి ఆర్భాటం కాదని, అనేక తరాలుగా నిర్మించుకున్న బలమైన పారిశ్రామిక పునాదులపై ఆధారపడి ఉందని స్పష్టం చేశారు.

పసిడి ధరల పతనానికి ఎట్టకేలకు బ్రేక్.. !!
పసిడి ధరల పతనానికి ఎట్టకేలకు బ్రేక్.. !!

నాణ్యమైన విద్యా వ్యవస్థ, సాంకేతిక పరిజ్ఞానం, నైపుణ్యం కలిగిన మానవ వనరులు, వ్యాపార అనుకూల వాతావరణం రాష్ట్ర ప్రగతికి ప్రధాన మూలస్తంభాలని సత్యకుమార్ వివరించారు. తమిళ ఆత్మగౌరవం, రాష్ట్ర స్వయం ప్రతిపత్తి, సమాఖ్య స్ఫూర్తి అనేవి రాష్ట్ర నిజమైన బలాలు అని గుర్తుచేశారు. విజయ్ నాయకత్వంలో తమిళనాడు వేగంగా అభివృద్ధి సాధిస్తోందని ధీమా వ్యక్తం చేశారు. తమ ప్రభుత్వం నూతన పారిశ్రామిక విధానాలతో నాణ్యమైన ఉద్యోగాల కల్పన, విదేశీ పెట్టుబడుల ఆకర్షణకు ప్రాధాన్యత ఇస్తోందని తెలిపారు.

బీజేపీతో ఉన్న రాజకీయ పొత్తులు తాత్కాలికంగా కొన్ని ప్రయోజనాలను ఇచ్చే అవకాశం ఉందే తప్ప ఒక రాష్ట్ర శాశ్వత అభివృద్ధి అక్కడ ఉన్న ప్రజల నైపుణ్యాలు, ప్రభుత్వ పాలనా సామర్థ్యంపైనే ఆధారపడి ఉంటుందని సత్యకుమార్ వ్యాఖ్యానించారు. మాటలకే పరిమితం కాకుండా, ఆకర్షించిన పెట్టుబడులు, విజయవంతంగా అమలు చేసిన ప్రాజెక్టులు, కొత్తగా సృష్టించిన ఉపాధి అవకాశాల ప్రాతిపదికన రెండు రాష్ట్రాల పనితీరును పోల్చి చూద్దామని ప్రతిపాదించారు.

Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+