• search

'జగన్ పై దాడి' శ్రీనివాస్ కు రిమాండ్ గడువు పెంపు;జగన్ పాదయాత్రకు భద్రత పెంచుతాం:డిజిపి ఠాకూర్‌

Subscribe to Oneindia Telugu
For Quick Alerts
ALLOW NOTIFICATIONS
For Daily Alerts

    విశాఖపట్టణం: ప్రతిపక్ష నేత వైఎస్‌ జగన్‌పై దాడి కేసు విచారణ నేపథ్యంలో నిందితుడు శ్రీనివాస్ కు రిమాండ్‌ గడువును ఈ నెల 9వరకు పొడిగిస్తూ న్యాయమూర్తి ఆదేశాలు జారీచేశారు.

    గతంలో కోర్టు తీర్పు ప్రకారం నిందితుడు జె.శ్రీనివాస్‌ పోలీస్ కస్టడీ గడువు ముగియడంతో భారీ బందోబస్తు మధ్య అతడిని కోర్టుకు హాజరుపరిచారు. ఈ సందర్భంగా కస్టడీని పొడిగించాలని సిట్‌ అధికారులు కోరడంతో న్యాయమూర్తి నిందితుడి రిమాండ్‌ గడువును ఈ నెల 9వరకు పొడిగించారు. మరోవైపు వైఎస్ జగన్ పాదయాత్రకు భద్రత పెంచనున్నట్లు ఎపి డిజిపి ఆర్.పీ ఠాకూర్ తెలిపారు.

    రిమాండ్...గడువు పెంపు

    రిమాండ్...గడువు పెంపు

    ప్రతిపక్షనేత వైఎస్ జగన్మోహన్ రెడ్డి పై దాడి నేపథ్యంలో ఈ కేసు దర్యాప్తు జరుపుతున్న సిట్‌ పోలీసులు ఆరో రోజు విచారణను ముగించారు. అయితే ఈ కేసులో ప్రధాన నిందితుడు జె.శ్రీనివాసరావుకు విధించిన పోలీస్‌ కస్టడీ నేటితో ముగియడంతో భారీ భద్రత మధ్య అతడిని న్యాయస్థానంలో హాజరుపరిచారు. శ్రీనివాస్ నుంచి మరింత సమాచారం రాబట్టాల్సి వుందని...నిందితుడికి కస్టడీ పొడిగించాలని పోలీసులు న్యాయస్థానాన్ని కోరడంతో న్యాయస్థానం నిందితుడి రిమాండ్‌ గడువును పొడిగించింది.

    ఇలా...జరిగివుండొచ్చు

    ఇలా...జరిగివుండొచ్చు

    ఇప్పటివరకు నిందితుడి కాల్‌డేటా ఆధారంగానే పోలీసులు విచారణ కొనసాగించడం, కేసుకు బలమైన ఫోరెన్సిక్‌ నివేదిక ఇంకా అందకపోవడంతో ఈ కేసులో ఆశించిన పురోగతి లేదన్నట్లుగా పరిస్థితులు కనిపిస్తున్నాయని, అందుకే పోలీసులు నిందితుడికి కస్టడీ పొడిగించాలని కోర్టును కోరి ఉంటారని న్యాయనిపుణులు విశ్లేషిస్తున్నారు.

    జగన్ కు...భద్రత పెంపు

    జగన్ కు...భద్రత పెంపు

    అంతకుముందు విజయవాడలో డిజిపి ఆర్.పీ ఠాకూర్ మీడియాతో మాట్లాడుతూ వైఎస్ జగన్ పాదయాత్రకు భద్రత భారీగా పెంచనున్నట్లు తెలిపారు. కేసు విచారణలో భాగంగా జగన్ ను రెండు సార్లు కలసి ఇన్వెస్టిగేష‌న్‌కు సహకరించమని అధికారులు కోరడం జరిగిందన్నారు. అధికారులు మరొకసారి జగన్ ను విచారణ కోసం కలుస్తారని తెలిపారు.

    అది నా బాధ్యత:డిజిపి

    అది నా బాధ్యత:డిజిపి

    రాజకీయ నాయకులతో పాటుగా ప్రజలకు కూడా రక్షణ కల్పించడం డీజీపీగా తన బాధ్యత అని ఆర్పీ ఠాకూర్ పేర్కొన్నారు. జగన్ పై హత్యాయత్నం కేసు విచారణలో నిందితుడిని తిరిగి కష్టడీలోకి తీసుకోవాలా వద్దా అనేది ఇన్వెస్టిగేషన్ అధికారి నిర్ణయమే తప్ప తమ జోక్యం ఉండదన్నారు. తనకు ఎస్సీ, ఎస్టీ కమీషన్ నుంచి ఎటువంటి నోటీసులు రాలేదని డీజీపీ ఠాకూర్ తెలిపారు.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    Visakhapatnam:Court extends Jagan attacker Srinivas’s remand till November 9.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more