'వంగవీటి విగ్రహం కూల్చివేతపై విచారణ.. ప్రతీ ఫ్లెక్సీకి భద్రత కష్టం'

సీసీటీవి ఫుటేజీ ఆధారంగా ఫ్లెక్సీలు, విగ్రహాల ధ్వంసానికి పాల్పడినవారిని గుర్తిస్తామని తెలిపారు,

విజయవాడ: సోమవారం తెల్లవారుజామున సినీ హీరో చిరంజీవి, కాపు నేత వంగవీటి రంగా ఫ్లెక్సీలను గుర్తుత తెలియని వ్యక్తులు చించేసిన సంగతి తెలిసిందే. దీనిపై అభిమానులు, మద్దతుదారుల నుంచి పెద్ద ఎత్తున నిరసన వ్యక్తమైంది. ముఖ్యంగా విజయవాడలోని సింగ్ నగర్ లో రంగా విగ్రహం కూల్చివేతతో ఉద్రిక్త పరిస్థితులు నెలకొన్నాయి.

ఈ నేపథ్యంలో ఫ్లెక్సీ ఘటనలపై ఏపీ డీజీపీ సాంబశివరావు స్పందించారు. విగ్రహ కూల్చివేత ఘటనపై విచారణ జరుపుతున్నామని అన్నారు. శాంతి భద్రతల విషయంలో రాజీకి తావివ్వబోమని చెప్పారు. సీసీటీవి ఫుటేజీ ఆధారంగా ఫ్లెక్సీలు, విగ్రహాల ధ్వంసానికి పాల్పడినవారిని గుర్తిస్తామని తెలిపారు,

ఇలాంటి ఘటనలకు పాల్పడేవారిపై కఠిన చర్యలు ఉంటాయని హెచ్చరించారు. ఇక ప్రతీ ఫ్లెక్సీకి భద్రత ఏర్పాటు చేయడం కూడా కుదరదని, అంతమంది భద్రతా సిబ్బంది కూడా తమవద్ద లేరని డీజీపీ స్పష్టం చేశారు.

English summary

AP DGP Sambashivarao responded over Flexies conflict of Vangaveeti and chiru in vijayawada