చిరుకు తమ్ముళ్లం: పవన్పై డొక్కా, నోటి దూల: ఆనం
నోటి దూల తీర్చుకునేందుకే: ఆనం వివేకా
పవన్ కళ్యాణ్ది తోకచుక్క పార్టీ అని, నాలుగేళ్లకు కానీ వచ్చే అవకాశం లేదని కాంగ్రెస్ ఎమ్మెల్యే ఆనం వివేకానంద రెడ్డి ఎద్దేవా చేశారు. శనివారం ఆయన విలేకరులతో మాట్లాడారు. నోటి దూల తీర్చుకునేందుకే పవన్ మీటింగ్ పెట్టాడని, ఇప్పుడు అది తీరిపోవడంతో తిరిగి సినిమాల్లోకి వెళ్లిపోతారన్నారు. ఎప్పుడో నాలుగేళ్ల తర్వాత వచ్చే పార్టీ గురించి ఇప్పుడు మాట్లాడుకోవాల్సిన అవసరం లేదన్నారు.
సినిమా కాదు: విహెచ్
రాజకీయాలంటే సినిమాల్లో నటించినట్లు ఉంటుందని పవన్ కళ్యాణ్ అనుకుంటున్నారని కాంగ్రెస్ సీనియర్ రాజ్యసభ సభ్యులు వి హనుమంత రావు ఎద్దేవా చేశారు. కాంగ్రెస్ హటావో అంటున్న పవన్ని ప్రజలే హటావో అనే రోజు దగ్గరలోనే ఉందన్నారు. కాంగ్రెస్ను తరిమేస్తానన్నవారే తరిగిపోయారని, ఇప్పుడు కన్పించకుండా పోయారన్నారు. తాను వ్యక్తిగతంగా అయితే పవన్ను విమర్శించే వాడిని కాదని, రాజకీయాల్లోకి వచ్చిందున పవన్ పెళ్లిని ప్రస్తావించవలసి వచ్చిందన్నారు.
ఓటెక్కడుంది: బలరాం
దేశం కోసం త్యాగం చేసిన ఇందిర, రాజీవ్ కుటుంబం గురించి పవన్కేం తెలుసునని, అసలు ఆయన ఓటు ఎక్కడుందో తెలుసా అని కేంద్రమంత్రి బలరాం నాయక్ ప్రశ్నించారు. పైవ్స్టార్ హోటల్లో పార్టీ పెట్టడంతో సామాజిక న్యాయం రాదన్న విషయాన్ని ఆయన తెలుసుకోవాలన్నారు. కాంగ్రె స్ను విమర్శించడమంటే ఎస్సీ, ఎస్టీలను అవమానించడమేనన్నారు.
పవన్ కళ్యాణ్ ఓ అజ్ఞాని అని, తెలంగాణ వ్యతిరేకి అని తెలంగాణ మాలమహానాడు నేత అద్దంకి దయాకర్ నిప్పులు చెరిగారు. వేయికి పైగా యువకులు తెలంగాణ కోసం ప్రాణత్యాగాలు చేసినప్పుడు కాని గాయం.. విభజన జరిగిన తీరు చూసినప్పుడు అయిందా, తెలంగాణపై మాట్లాడే నైతిక హక్కు పవన్కు లేదన్నారు.
Click it and Unblock the Notifications
Sign in with Google