దేశవ్యాప్తంగా దేవి నవరాత్రి ఉత్సవాలు షురూ..!!
దేశవ్యాప్తంగా దుర్గాదేవి నవరాత్రి ఉత్సవాలు ఘనంగా ప్రారంభమయ్యాయి. శరన్నవరాత్రి సందర్భంగా ఆలయాలు పూలతో, విద్యుత్ దీపాలతో అలంకరించబడ్డాయి. భక్తులు అమ్మవారి దర్శనార్థం పెద్ద సంఖ్యలో ఆలయాలకు తరలి వస్తున్నారు. ప్రతీ ప్రాంతంలో ఆధ్యాత్మిక ఉత్సాహం అలముకుంది.
విజయవాడలో బాలత్రిపురసుందరి దర్శనం
అలంపురి శక్తిపీఠాల్లో ఒకటైన విజయవాడ కనకదుర్గమ్మ ఆలయం వద్ద తొలిరోజు అమ్మవారు బాలత్రిపురసుందరిగా దర్శనమిస్తున్నారు. ఈరోజు ఉదయం 9 గంటల నుంచి రాత్రి 11 గంటల వరకు భక్తులను దర్శనానికి అనుమతిస్తున్నారు. రేపటి నుండి ఉదయం 4 గంటలకే ఆలయ ద్వారాలు తెరవబడి భక్తులకు దర్శనం కల్పించనున్నారు. ప్రతి రోజూ అమ్మవారు పలు అలంకారాల్లో భక్తులను కటాక్షించనున్నారు.
భక్తుల రద్దీకి ఏర్పాట్లు..
దసరా ఉత్సవాల సందర్భంగా పెద్ద ఎత్తున భక్తులు వచ్చే అవకాశం ఉండటంతో, అధికారులు ప్రత్యేక ఏర్పాట్లు చేశారు. క్యూ లైన్లు, పార్కింగ్ సదుపాయాలు, తాగునీటి సదుపాయాలు, వైద్య బృందాలను సిద్ధం చేశారు. భక్తులకు ఇబ్బంది కలగకుండా విస్తృత భద్రతా చర్యలు కూడా చేపట్టారు.
గ్రామాల్లోనూ ఉత్సవాల జోష్..
పట్టణాలతో పాటు గ్రామాల్లోనూ నవరాత్రి ఉత్సవాలు ఘనంగా జరుగుతున్నాయి. దుర్గామాత విగ్రహాలను ప్రతిష్టించి భక్తులు శోభాయాత్రలు, సాంస్కృతిక కార్యక్రమాలు నిర్వహిస్తున్నారు. చిన్న పిల్లల నుండి పెద్దల వరకు అందరూ ఉత్సాహంగా పాల్గొంటున్నారు.
ఆధ్యాత్మిక వాతావరణం..
ఈ తొమ్మిది రోజులపాటు భక్తులు ఉపవాసాలు పాటిస్తూ, శ్లోకాలు జపిస్తూ, ప్రత్యేక పూజలు నిర్వహిస్తున్నారు. సాయంత్రాల్లో శక్తి ఆరాధనకు సంబంధించిన సాంస్కృతిక కార్యక్రమాలు, హరికథలు, భజనలు జరుగుతున్నాయి. భక్తి, ఆనందం, ఆధ్యాత్మికతతో నిండిన వాతావరణం ప్రతిచోటా కనిపిస్తోంది.
మరోవైపు విజయవాడలో నేటి నుంచి ట్రాఫిక్ను మళ్లిస్తున్నట్లు నగర పోలీసు కమిషనర్ ఎస్వీ రాజశేఖరబాబు తెలిపారు. అక్టోబరు 2 వరకు ఈ మళ్లింపులు ఉంటాయని వివరించారు. అలానే ఉత్సవాలకు వచ్చే వాహనాల కోసం ప్రత్యేకంగా పార్కింగ్ ఏర్పాట్లు చేసినట్టు స్పష్టం చేశారు.
భవానీపురం వైపు నుంచి వచ్చే వాహనాలు..
కుమ్మరిపాలె తితిదే పార్కింగ్
ఎం.వి. రావు ఖాళీ స్థలం
పున్నమి ఘాట్
భవానీ ఘాట్
సుబ్బారాయుడు పార్కింగ్
సెంట్రల్ వేర్హౌస్ గ్రౌండ్
గొల్లపూడి మార్కెట్ యార్డ్ పార్కింగ్
భవానీపురం లారీ స్టాండ్
సోమా గ్రౌండ్
సితార సెంటర్
ఎగ్జిబిషన్ గ్రౌండ్స్
గొల్లపూడి పంట కాలువ రోడ్
గుంటూరు, మచిలీపట్నం, గుడివాడ, అవనిగడ్డ వైపు నుంచి వచ్చే వాహనాలు..
బీఆర్టీఎస్ రోడ్
సంగీత కళాశాల మైదానం
ఎఫ్ఐసీ మట్టి రోడ్ పార్కింగ్
జింఖానా మైదానం
Click it and Unblock the Notifications
Sign in with Google