తొక్కిసలాటపై కలెక్టర్ రిపోర్ట్, జియోగ్రఫిక్ ఛానల్ షూటింగ్ కోసం: బాబుపై జ్యోతుల తీవ్ర వ్యాఖ్య

By Srinivas

Published: Thursday, July 16, 2015, 12:11 [IST]

రాజమండ్రి: తూర్పు గోదావరి రాజమండ్రి పుష్కర ఘాట్ వద్ద తొక్కిసలాట పైన మానవ హక్కుల కమిషన్‌కు, సిఎస్ ద్వారా కేంద్ర హోంశాఖకు నివేదిక పంపించినట్లు జిల్లా కలెక్టర్ గురువారం చెప్పారు.

ఒక్కసారిగా భక్తులు తోసుకు రావడంతో తొక్కిసలాట జరిగిందని, పోలీసులు నియంత్రించలేని పరిస్థితి ఏర్పడిందని నివేదికలో పేర్కొన్నట్లుగా తెలుస్తోంది. మంగళవారం కావడంతో భక్తులు తక్కువగా ఉంటారని భావించామని, కానీ చాలామంది వచ్చారని చెప్పారని తెలుస్తోంది. పోలీసుల వైఫల్యం కూడా ఉందని చెప్పారని సమాచారం.

కాగా, తెలుగు రాష్ట్రాల్లో గోదావరి పుష్కరాల ఘనంగా కొనసాగుతున్నాయి. మూడో రోజు భక్తులు మరింత పెరిగారు. గోదావరి పుష్కర శోభాయాత్ర రాజమండ్రి కోటిపల్లి బస్టాండుకు చేరుకుంది. తిరుమల నుంచి భక్తులు శోభాయాత్రగా కాలినడకతో వచ్చారు. ఈ శోభాయాత్రకు చంద్రబాబు స్వాగతం పలికారు.

గోదావరి పుష్కరాలు

లుగు రాష్ట్రాల్లో గోదావరి పుష్కరాల ఘనంగా కొనసాగుతున్నాయి. మూడో రోజు భక్తులు మరింత పెరిగారు. గోదావరి పుష్కర శోభాయాత్ర రాజమండ్రి కోటిపల్లి బస్టాండుకు చేరుకుంది.

గోదావరి పుష్కరాలు

తిరుమల నుంచి భక్తులు శోభాయాత్రగా కాలినడకతో భక్తులు కోటిపల్లి బస్టాండుకు వచ్చారు. ఈ శోభాయాత్రకు చంద్రబాబు స్వాగతం పలికారు.

చంద్రబాబు

ఆంధ్రప్రదేశ్ ముఖ్యమంత్రి నారా చంద్రబాబు నాయుడు తూర్పు గోదావరి రాజమండ్రిలోని వెంకటేశ్వర స్వామి నమూనా ఆలయంలో పూజలు చేశారు.

చంద్రబాబు

ఆంధ్రప్రదేశ్ ముఖ్యమంత్రి నారా చంద్రబాబు నాయుడు తూర్పు గోదావరి రాజమండ్రిలోని వెంకటేశ్వర స్వామి నమూనా ఆలయంలో పూజలు చేశారు. ప్రసాదం తీసుకుంటున్న దృశ్యం.

గోదావరి హారతి

గోదావరి పుష్కరాలు 2015 నేపథ్యంలో మంగళవారం రాత్రి గోదావరి తల్లికి హారతి ఇస్తున్న దృశ్యం.ం

ఇదిలా ఉండగా, వైసీపీ నేత జ్యోతుల నెహ్రూ ఏపీ సీఎం చంద్రబాబుపై మండిపడ్డారు. చంద్రబాబు తన బ్రాండ్ ఇమేజ్ పెంచుకోవాలని తహతహలాడారన్నారు. అందుకే, విఐపి ఘాట్ కానప్పటికీ కోటగుమ్మం ఘాట్లో పూజలు నిర్వహించారన్నారు.

అదే సమయంలో పబ్లిసిటీ కోసం జనాన్ని ఆ ఘాట్ వైపు మళ్లించారన్నారు. పుష్కరాలపై ప్రత్యేక కథనాన్ని చిత్రీకరిస్తున్న నేషనల్ జియోగ్రఫిక్ ఛానల్ షూటింగ్‌లో చంద్రబాబు పాల్గొన్నారని, దాని కోసమే భక్తులను గంటసేపు వేచి చూసేలా చేశారని తీవ్ర ఆరోపణలు చేశారు.

Published On July 16, 2015