గర్ల్ ఈమెయిల్ హ్యాక్ చేసి, పోర్న్ సైట్స్‌లో పోస్టు

హైదరాబాద్: ఓ అమ్మాయి ఈమెయిల్ ఖాతాను హ్యాక్ చేసి, ఆమె వ్యక్తిగత వివరాలను పోర్న్ వెబ్‌సైట్లలో పోస్టు చేసిన ఇంజనీరింగ్ విద్యార్థిని సైబరాబాద్ పోలీసులు సోమవారం అరెస్టు చేశారు. హయత్‌నగర్‌లోని రామోజీ ఫిల్మ్ సిటీ సమీపంలో గల వివేకానంద గ్లోబల్ గ్రూప్ ఆఫ్ ఇనిస్టిట్యూట్‌లో బిటెక్ రెండో సంవత్సరం చదువుతున్న 22 ఏళ్ల గోలి సుభాష్ చంద్రబోస్‌ను పోలీసులు అరెస్టు చేశారు.

తన ఈ మెయిల్‌ను ఎవరో హ్యాక్ చేసి పోర్న్ వెబ్‌సైట్‌కు లింక్ చేశారని, తన వ్యక్తిగత వివరాలను కూడా పోస్టు చేశారంటూ బాధితురాలు సైబర్ క్రైమ్ పోలీసులకు అక్టోబర్ 5వ తేదీన ఫిర్యాదు చేసింది. బాధితురాలి సెకండరీ ఈమెయిల్ ఐడిని నిందితుడు మార్చడమే కాకుండా ధ్రువీకరణ కోడ్‌కు ఇచ్ిచన ఫోన్ నెంబర్‌ను కూడా మార్చేశాడు.

తన సోదరి పేరు మీద పోర్న్ వెబ్‌సైట్‌లో నకిలీ ప్రొఫైల్ క్రియేట్ చేసి తన ఫ్రెండ్ ఇంటి చిరునామాను, కాంటాక్ట్ నెంబర్‌ను ఇచ్చినట్లు కూడా బాధితురాలు గుర్తించింది. బాధితురాలి ఫిర్యాదు మేరకు కేసు నమోదు చేసి నిందితుడిని అరెస్టు చేశారు.

హయత్‌నగర్‌లో అతని నివాసం నుంచి సుభాష్ చంద్రబోస్‌ను పోలీసులు అరెస్టు చేసారు. బాధితురాలు తనకు స్నేహితురాలేనని, అందరి ముందు తనను అవమానించడంతో తనకు కోపం వచ్చి ఆ విధంగా చేశానని అతను చెప్పాడు. ఇద్దరికి చెందిన ఫ్రెండ్ ద్వారా అమ్మాయి మెయిల్ ఐడిని, పాస్‌వర్డ్‌ను అతను సంపాదించాడు.

English summary

The Cyberabad police on Monday arrested an engineering student for hacking into a girl's email account and posting her personal details on porn websites.