ఎథిక్స్ కమిటీ నిర్ణయంతో.. సుజనాకు చుక్కలేనా..!

అధికార దుర్వినియోగానికి నిలువెత్తు నిదర్శనంగా మారిపోయారు కొంతమంది ప్రజాప్రతినిథులు. చట్ట సభల్లో కూర్చుంటూనే యథేచ్చగా తమ వ్యాపార ప్రయోజనాల కోసం అధికార దుర్వినియోగానికి పాల్పడుతున్నారు. సామాన్యులెవరైనా లక్ష రూపాయల అప్పు చెల్లించకపోతేనే అంతెత్తున ఎగిరే బ్యాంకులు, వేల కోట్గ రూపాయల కుచ్చు టోపీ పెడుతున్న వీళ్ల పట్ల మాత్రం ఎలాంటి చర్యలు తీసుకోవు. అధికారాన్ని అడ్డం పెట్టుకుని చట్టం చేతుల్లో నుంచి తప్పించుకోవచ్చనేది సదరు నేతల ఆలోచన అయి ఉండొచ్చు.

తాజాగా కింగ్ ఫిషర్ అధినేత విజయ్ మాల్యా భాగోతం బయటపడ్డాక.. ఆయన్ను రాజ్యసభ సభ్యత్వం నుంచి తప్పించాలనే వాదనలు వినిపిస్తున్న విషయం తెలిసిందే. అవినీతి ఆరోపణలు ఎదుర్కొంటున్న వ్యక్తులను చట్ట సభల్లో కొనసాగనిస్తే ప్రజలకు చట్ట సభలపై ఉన్న గౌరవం దెబ్బ తింటుందని భావించిన ఎథిక్స్ కమిటీ ఇప్పుడు ఈ అంశంపై ఫోకస్ చేసినట్టుగా తెలుస్తోంది.

ఇదే గనుక నిజమైతే.. టీడీపీ నేత కేంద్రమంత్రి సుజనా చౌదరికి కూడా తిప్పలు తప్పవనే అభిప్రాయాలు వ్యక్తమవుతున్నాయి. రుణాల ఎగవేత జాబితాలో ఆయన పేరు కూడా ఉన్న విషయం తెలిసిందే. బ్యాంకుల నుంచి తీసుకున్న రుణాలను చెల్లించడంలో విఫలమైన డీఫాల్టర్లను చట్టసభల్లో అడుగుపెట్టనివ్వకుండా ఉండడానికి కొత్త చట్టాన్ని సిఫారసు చేయాలనే ఆలోచనలో ఎథిక్స్ కమిటీ ఉన్నట్టుగా సమాచారం. ఒక్క సుజనా చౌదరికే గాక ఇలాంటి కేసుల్లో కోర్టుల చుట్టూ తిరుగుతున్న ఎంపీలందరికీ ఈ చట్టం చెంపపెట్టుగా మారనుంది.

English summary

ethics committee is serious on the mps who are listed in the bank defaulters.