దేవుడు కూడా ఆపలేడు: రేప్‌లపై గవర్నర్ సంచలనం

లక్నో: ఉత్తర ప్రదేశ్ రాష్ట్ర గవర్నర్ సోమవారం వివాదాస్పద, సంచలన వ్యాఖ్యలు చేశారు. అత్యాచారాలను దేవుడు కూడా ఆపలేడని, అత్యాచార ఘటనల పైన రాజకీయం చేయడం తగదని ఆయన అభిప్రాయపడ్డారు. ప్రపంచవ్యాప్తంగా ఉన్న పోలీసులను దించినా నేరాలను పూర్తిగా అదుపు చేయడం సాధ్యం కాదని అభిప్రాయపడ్డారు.

శుక్రవారం జరిగిన ఇఫ్తార్ విందు అనంతరం... గవర్నర్‌ను రాష్ట్రంలో జరుగుతున్న అత్యాచారాల పైన ప్రశ్నించడంతో ఆయన పైవిధంగా స్పందించారు. అయితే, అన్ని నేరాలను ఆపలేకపోయినప్పటికీ పోలీసులు ఇలాంటి వాటి పట్ల కఠినంగా వ్యవహరించాలన్నారు. కాగా, ఇఫ్తార్ విందు బాగుందని చెప్పారు.

మరోవైపు, ఉత్తర ప్రదేశ్ మంత్రి నారద్ రాయ్ కూడా ఇటీవల ఇలాంటి వ్యాఖ్యలే చేశారు. నేరాలు దేశవ్యాప్తంగా జరుగుతున్నాయని, ఇలాంటి ఘటనలు జరగకుండా ఆపేందుకు శక్తిని ఇవ్వాలని దేవుడిని ప్రార్థించాలన్నారు. ఎస్పీ అధినేత ములాయం సింగ్ యాదవ్ కూడా గతంలో వివాదాస్పద వ్యాఖ్యలు చేశారు.

English summary

Even god can't stop rape incidents, says UP Governor.