ఏపీ ఎన్నికల తొలి ఫలితం డిసైడెడ్ - కౌంట్ కంటిన్యూ..!!

ఏపీ ఎన్నికల ఫలితం పై ఉత్కంఠ కొనసాగుతోంది. ప్రధాన పార్టీలు గెలుపు పై ధీమా వ్యక్తం చేస్తున్నాయి. ఎవరికి వారు పైకి గెలుపు పైన ధీమాగా ఉన్నా.. లోలోపల మాత్రం టెన్షన్ పడుతున్నాయి. ఇదే సమయంలో కౌంటింగ్ కోసం ఎన్నికల సంఘం ఏర్పాట్లు చేస్తోంది. తొలుత పోస్టల్ బ్యాలెట్ కౌంటింగ్..ఆ తరువాత ఈవీఎం కౌంటింగక్ జరగనుంది. పలు నియోజకవర్గాల్లో హోరా హోరీగా కౌంటింగ్ ఫలితాలు వెల్లడయ్యే అవకాశం కనిపిస్తోంది.

కౌంటింగ్ పై ఉత్కంఠ
ఇక..కౌంటింగ్ కు సంబంధించి పలు ఆసక్తి కర అంశాలు వెలుగులోకి వస్తున్నాయి. జూన్4వ తేదీ ఉదయం 8గంటలకు ఓట్ల లెక్కింపు ప్రారంభమవుతుంది. మొదటి అరగంట పోస్టల్ బ్యాలెట్లను లెక్కిస్తారు. ఆ తర్వాత ఈవీఎంలలో పోలైన ఓట్ల లెక్కింపు ప్రారంభమవుతుంది. గ్రామాలవారీ ఓట్ల లెక్కింపు జరుగుతుంది. నియోజకవర్గంలోని వరుస క్రమంలో బూత్‌లవారీ ఓట్లను లెక్కిస్తారు. నియోజకవర్గంలో పోలింగ్ బూత్‌ల సంఖ్యను ఆధారంగా ఓట్ల లెక్కింపు కోసం నిర్ది్ష్ట సంఖ్యలో టేబుళ్లను ఏర్పాటు చేస్తారు. ఎక్కువ టేబుల్స్‌ ఏర్పాటుచేసిన చోట ఫలితం త్వరగా వెల్లడవుతుంది.

హోరా హోరీగా
ఒక్కో నియోజకవర్గానికి 14 చొప్పున టేబుళ్లు ఏర్పాటు చేస్తారు. ఎక్కడైనా కౌంటింగ్ హాల్ చిన్నదిగా ఉంటే అక్కడ 10 టేబుళ్ల వరకు ఏర్పాటు చేస్తారు. ఇలాంటి చోట ఫలితం రావడానికి సాయంత్రం అవుతుంది. ఒక్కో రౌండ్‌లో 14 ఈవీఎంలలో పోలైన ఓట్లను లెక్కిస్తారు. ఇలా నియోజకవర్గంలోని బూత్‌ల సంఖ్య ఆధారంగా రౌండ్లవారీ కౌంటింగ్ జరుగుతుంది. ఏదైనా నియోజకవర్గంలో 140 బూత్‌లు ఉంటే ఒక్కో రౌండ్‌లో 14 ఈవీఎంలను లెక్కిస్తే 10 రౌండ్లు కౌటింగ్ జరుగుతుంది. ఎన్ని రౌండ్లు అనేవి నియోజకవర్గంలోని పోలింగ్ బూత్‌ల సంఖ్యపై ఆధారపడి ఉంటుంది.

తొలి ఫలితం
ఈ లెక్క ప్రకారం ఉమ్మడి కృష్ణాజిల్లాలో తొలి ఫలితం నందిగామ, పామర్రు నుంచి వచ్చే అవకాశం ఉంది. కౌంటింగ్ ప్రారంభమైన 4 గంటల్లోనే వచ్చే అవకాశం ఉంది. తక్కువసంఖ్యలో అభ్యర్థులు పోటీచేస్తున్న నియోజకవర్గాల్లో ఫలితం త్వరగా వెలువడతాయి. నందిగామ నియోజకవర్గంలో 11మంది అభ్యర్థులు మాత్రమే పోటీలో ఉండటంతో ఇక్కడి ఫలితం త్వరగా వచ్చే అవకాశం ఉంది. పామర్రులో 8 మంది అభ్యర్థులు మాత్రమే పోటీలో ఉండటంతో ఈ నియోజకవర్గం ఫలితం మధ్యాహ్నం 12 గంటలలోపు వెల్లడయ్యే ఛాన్స్ ఉంది. విజయవాడ తూర్పు ఫలితం చివరగా వెల్లడయ్యే అవకాశం ఉందని అధికారులు అంచనా వేస్తున్నారు.

English summary

Election commission making arrangements for counting, First result come out from Nandigama.