భక్తుల సందడి: సాగర్‌వద్ద నిమజ్జనం చూద్దాం!(పిక్చర్స్)

By Srinivas

Updated: Wednesday, September 18, 2013, 11:01 [IST]

హైదరాబాద్: నగరం, శివారులో తొమ్మిది రోజుల పాటు పూజలందుకున్న గణనాథుల నిమజ్జనానికి ఏర్పాట్లు పూర్తయ్యాయి. అన్నింటితో పాటు ఖైరతాబాద్ మహగణనాథుడు నేడు అంగరంగ వైభవంగా నిమజ్జనానికి తరలనున్నాడు. గతంలో లాగా ఏకదంతునికి ఇరువైపులా ఉన్న విగ్రహాలతో కాకుండా ఒంటరిగానే గణపతిని నిమజ్జనం చేయనున్నారు.

గణనాథునికి ఇరువైపులా ఉన్న శ్రీరామపట్టాభిషేకం, భువనేశ్వరి అమ్మవార్ల విగ్రహాలను యాదగిరిగుట్టలోని లోటస్ ఆలయానికి తరలించనునన్నారు. 10వ రోజే అనంత చతుర్దశి రావడంతో బుధవారమే నిమజ్జనం నిర్వహించనున్నామని తెలిపారు. గౌరి పుత్రుని నిమజ్జన ఏర్పాట్లను ఖైరతాబాద్ గణేష్ ఉత్సవ సమితి శరవేగంగా కొనసాగిస్తోంది.

నిమజ్జనానికి తరలే రూట్‌మ్యాప్‌ను పోలీసులు సిద్ధం చేశారు. భారీ వాహనం నిమజ్జనానికి తరలివెళుతున్న సమయంలో ఎలాంటి ఇబ్బందులు తలెత్తుతాయో గుర్తించేందుకు మంగళవారం తెల్లవారుజామున 3:30 గంటల ప్రాంతంలో ట్రైల్న్ నిర్వహించారు. విద్యుత్ శాఖతో పాటు వివిధ శాఖల సమన్వయంతో వాహన రూట్‌లో ఉన్న వైర్లను తొలగించారు. నగరంలో గణేష్ నిమజ్జన భద్రత కోసం 15000 మంది పోలీసులు ఆయా ప్రాంతాల్లో ఉన్నారు.

ఖైరతాబాద్ 1

ప్రసిద్ధ ఖైరతాబాద్ గణేషుడిని చూసేందుకు వచ్చి భక్త జనం. ఈ రోజు ఖైరతాబాద్ గణేషుడిని నిమజ్జనానికి తరలిస్తున్నారు. దీంతో చాలామంది భక్తులు చూసేందుకు వచ్చారు.