ముద్దుల మావయ్య బాలయ్యకు జన్మదిన శుభాకాంక్షలు, కొత్త మూవీ టీజర్ అదిరింది: నారా లోకేశ్
నందమూరి నటసింహాం బాలకృష్ణ జన్మదినం ఇవాళ.. ఆయనకు పలువురు ప్రముఖులు విష్ చేస్తున్నారు. బాలయ్య 60వ వడిలోకి అడుగిడుతోన్న సందర్భంగా అల్లుడు, టీడీపీ జాతీయ ప్రధాన కార్యదర్శి నారా లోకేశ్ ట్వీట్ చేశారు. మామతో తనకు ఉన్న అనుబంధాన్ని గుర్తుచేసుకున్నారు. హృదయపూర్వక జన్మదిన శుభాకాంక్షలు చెప్పి.. మరిన్ని సినిమాల్లో నటించి... అభిమానుల ఆదరాభిమానాలను చూరగొనాలని ఆకాంక్షించారు.
బాలకృష్ణ సింగిల్ టేక్ డైలాగ్.! స్వరం మార్చిన నాగబాబు.!తెర వెనక రక్తి కట్టిన సన్నివేశం.!
ఆయన అందరికీ బాలయ్య.. నాకు ముద్దుల మావయ్య అంటూ ట్వీట్ స్టార్ట్ చేశారు లోకేశ్. రీల్ లైఫ్లోనే కాదు రియల్ లైఫ్లో తాను నమ్ముకున్న వారికి అండగా నిలువడంలో ముందుంటారు అని ప్రశంసలు కురిపించారు. బాలయ్య మావయ్యకు పుట్టిన రోజు శుభాకాంక్షలు తెలిపారు. ఈ పుట్టినరోజు ఆయనకు ఎంతో ప్రాధాన్యం కలిగింది అని గుర్తుచేశారు. 60వ ఏట అడుగిడుతోన్న సందర్భంగా షష్టిపూర్తి మహోత్సవ అభినందనలను తెలియజేశారు.
Recommended Video
బాలయ్య మావయ్య కొత్త సినిమా టీజర్ చూశానని లోకేశ్ తెలిపారు. అందులో చాలా ఎనర్జిటిక్గా కనిపించారని గుర్తుచేశారు. మీరు అలాంటి మంచి చిత్రాల్లో నటించాలని మనసారా కోరుకుంటున్నానని తెలిపారు. అభిమానులకు ఎప్పటిలాగే మంచి సినిమాలను అందించాలని కోరుకుంటున్నానని తెలిపారు. మీపై అభిమానుల ఆదరణ, అలాగే కొనసాగాలని, విజయాల పరంపర కంటిన్యూ కావాలని లోకేశ్ ట్వీట్ చేశారు.