చిత్తూరు వెళ్లాల్సిందే: మోడల్ సంగీతకు కోల్కతా హైకోర్టు ఆర్డర్
చిత్తూరు: ఎయిర్ హోస్టెస్, మోడల్ జీవితం నుంచి ఎర్ర చందనం స్మగ్లర్గా మారిన సంగీత ఛటర్జీని ఏపీకి తీసుకు రావాలన్న చిత్తూరు పోలీసుల ప్రయత్నాలు ఫలిస్తున్నాయి. సంగీత చిత్తూరు న్యాయస్థానంలో హాజరు కావాలని కోల్కతా కోర్టు సోమవారం నాడు ఆదేశించింది.
సంగీత కోసం కోల్కతాలో పిటిషన్, గంగిరెడ్డికి విదేశాల్లో 1000 కోట్ల ఆస్తులు!
ఎర్ర చందనం స్మగ్లింగ్ కేసులో ఇరుక్కున్న సంగీతను చిత్తూరు తీసుకు వచ్చేందుకు పోలీసులు చాలా రోజులుగా ప్రయత్నాలు చేస్తున్నారు. కానీ ఆమె ఏదో ఒక కారణంతో తప్పించుకుంటోంది. దీంతో చిత్తూరు పోలీసులు కోల్కతా హైకోర్టులో పిటిషన్ దాఖలు చేసారు.
దీనిపై విచారణ జరిపిన న్యాయస్థానం ఆమెను చిత్తూరు కోర్టులో హాజరు కావాలని ఆదేశాలు జారీ చేసింది. న్యాయస్థానం ఆదేశాల నేపథ్యంలో ఒకటి రెండు రోజుల్లో సంగీత చిత్తూరు కోర్టులో హాజరయ్యే అవకాశముంది. కాగా, సంగీత కోర్టులో హాజరు కాకుంటే అరెస్టు చేస్తామని చిత్తూరు పోలీసులు చెబుతున్నారు.