Indian index rankings 2022 : ఏయే ఉత్పత్తుల్లో ఏపీ టాప్ లో ఉందో తెలుసా ? వివరాలివే..
తాజాగా విడుదలైన ఇండియన్ ఇండెక్స్ ర్యాంకుల్లో ఆంధ్రప్రదేశ్ పలు ఉత్పత్తుల్లో టాప్ లో నిలిచింది. అసలే కరోనా తర్వాత క్రమంగా కోలుకుంటున్న ఆర్ధిక వ్యవస్ధకు ఈ న్యూస్ ఊతమిచ్చేలా ఉంది. ఈ జాబితాలో ఏపీలో ఉత్పత్తి అవుతున్న పలు ఉత్పత్తులు దేశవ్యాప్తంగా టాప్ 5లో చోటు సంపాదించాయి.
ఇండియన్ ఇండెక్స్ తాజా ర్యాంకుల్లో అరటిపళ్లు, స్వీట్ ఆరెంజ్, చేపలు, ఎండు మిర్చి, బొప్పాయి, టమోటా, కొకోవా, జీలకర్ర, పామోయిల్ ఉత్పత్తిలో ఆంధ్రప్రదేశ్ దేశంలోనే టాప్ లో నిలిచింది. అలాగే పువ్వులు, నిమ్మకాయలు, కర్బూజ, పుచ్చకాయలు, జీడిపప్పు, మామిడిపండ్ల ఉత్పత్తిలో ఏపీ రెండో స్ధానంలో నిలిచింది. ఈ ర్యాంకుల్లో కొబ్బరికాయల ఉత్పత్తిలో ఏపీ నాలుగో స్ధానంలో నిలిచింది.
ఈ ర్యాంకుల ఆధారంగా దేశవ్యాప్తంగా ఏయే రాష్ట్రాల్లో ఏయే ఉత్పత్తులు ఎక్కువగా ఉందనే అంశాల్ని ప్రభుత్వాలు పరిగణనలోకి తీసుకుంటాయి. అలాగే వ్యాపారులకు కూడా ఈ ర్యాంకులు ఎంతగానో ఉపయోగపడుతుంటాయి. జాతీయోత్పత్తి లెక్కింపు విషయంలోనూ ఈ ర్యాంకులకు ప్రత్యేక స్ధానముంది. దీంతో ఇండియన్ ఇండెక్స్ ర్యాంకుల్లో టాప్ లో నిలిచేందుకు రాష్ట్రాలు ప్రయత్నిస్తుంటాయి. అయితే స్ధానికంగా దొరికే లేదా పండే పలు ఉత్పత్తులు ఇందులో కీలకపాత్ర పోషిస్తుంటాయి. స్ధానికంగా ప్రభుత్వాలు కూడా వాటికే ఎక్కువగా ప్రోత్సాహం కల్పిస్తుంటాయి. అరుదుగా మాత్రమే ఇతర రాష్ట్రాల ఉత్పత్తులకు స్ధానికంగా ప్రోత్సాహం కల్పిస్తుంటారు.
Click it and Unblock the Notifications
Sign in with Google