ఇంత అలసత్వమా?: ఏపీకి కొత్తగా తేల్చిందేంటి.. మళ్లీ తుస్సుమనిపించిన కేంద్రం

Published: Tuesday, March 6, 2018, 7:26 [IST]

ఏకాభిప్రాయం కుదరలేదా?:

హోదాకు సమానమైన ప్యాకేజీని ఇస్తామని కేంద్రం చెబుతున్న మాట పాతదే. తాజా భేటీ అనంతరం కూడా.. ఇదేదో కొత్తగా తీర్మానించేసినట్టు బీజేపీ నేతలు మళ్లీ అదే మాట చెప్పారు. మరోవైపు యనమల రామకృష్ణుడు మాత్రం ప్రత్యేక హోదా కావాల్సిందేనని పట్టుబట్టినట్టు చెబుతున్నారు.

లేదంటే రాష్ట్ర ప్రజల మనోభావాలు దెబ్బతింటాయని కూడా జైట్లీతో చెప్పినట్టు పేర్కొన్నారు. అంటే, ఇరువురి మధ్య ఇంకా ఏకాభిప్రాయం కుదరలేదా? అన్న సందేహాలు వ్యక్తమవుతున్నాయి.

కాలయాపనకేనా చర్చలు?:

ప్యాకేజీ నిధుల విషయంలో కేంద్రం వహించిన అలసత్వ ధోరణి.. ఇప్పుడు టీడీపీ మళ్లీ హోదా గళాన్ని ఎత్తుకొనేదాకా తీసుకొచ్చింది. అయినా సరే కేంద్రం వైఖరిలో ఎలాంటి మార్పు వచ్చినట్టు కనిపించడం లేదు.

న్యాయపరమైన హక్కులు, రెవెన్యూ లోటు వంటి విషయాలపై మరోసారి సమావేశమై చర్చిద్దామని జైట్లీ చెప్పినట్టు చెబుతున్నారు. దీంతో ఇంకెన్నాళ్లు ఇలా చర్చలతోనే కాలయాపన చేస్తారన్న అసహనం రాష్ట్రంలో వ్యక్తమవుతోంది.

ఏపీ అంటే అలసత్వమా?:

సమావేశాన్ని ఏర్పాటు చేసిన బీజేపీ జాతీయ అధ్యక్షుడు అమిత్ షానే భేటీకి డుమ్మా కొట్టడంపై కూడా విమర్శలు వ్యక్తమవుతున్నాయి. ఏపీ అంటే అంత పట్టిలేని తనం ఉండబట్టే ఆయన భేటీకి డుమ్మా కొట్టారన్న అభిప్రాయాలు వ్యక్తమవుతున్నాయి.

కొత్తగా ఏం తేల్చినట్టు?:

మొత్తంగా ఈ భేటీ ద్వారా చర్చను మరో భేటీకి సాగదీశారు తప్పితే కొత్తగా తేల్చింది కానీ సాధించింది కానీ ఏమి లేదనే విషయం స్పష్టమవుతోంది. హోదా మాటెత్తకుండా ఉండటానికి కేంద్రం టీడీపీ నేతలకు మరోసారి ప్యాకేజీ తాయిలాల గురించి చెప్పి మురిపించినట్టుంది తప్పితే.. ఈ భేటీలో ఇంకేమి కనిపించడం లేదు. ఇదే వైఖరి ఇకముందు కూడా కొనసాగితే.. బీజేపీ తనంట తాను తెగేదాకా తెచ్చుకున్నట్టే అంటున్నారు ప్రజలు.

Published On March 6, 2018