ఉద్యోగుల విభజనపై కమిటీ: ఒంటరి మహిళలకి ఆప్షన్స్

ఢిల్లీ: ఢిల్లీలోని హోంమంత్రిత్వ శాఖ కార్యాలయంలో కమల్‌నాథన్ కమిటీ సమావేశం శుక్రవారం ముగిసింది. విభజన నేపథ్యంలో తెలంగాణ, ఆంధ్రప్రదేశ్ రాష్ట్రాల ఉద్యోగుల పంపిణీపై విధివిధానాలను కమల్‌నాథన్ కమిటీ ఖరారు చేసింది. ఇందుకు సంబంధించిన విధివిధానాలను వెబ్‌సైట్లో ఉంచుతామని కమిటీ తెలిపింది.

రెండు రోజుల్లో విధివిధానాలను వెబ్‌సైట్లో ఉంచనున్నారు. విధివిధానాల పైన ఎవరికైనా ఏమైనా అభ్యంతరాలు ఉంటే పది రోజుల్లో తెలుపాలని కమిటీ తెలిపింది.

స్థానికత ఆధారంగానే ఉద్యోగుల విభజన ఉంటుందని చెప్పింది. దంపతులు, ఒంటరి మహిళలకు మాత్రమే ఆప్షన్లు ఉంటాయని కమల్ నాథన్ కమిటీ పేర్కొన్నదని సమాచారం.

ఒకటి రెండు ఏళ్లలో పదవీ విరమణ పొందే వారికి ఆప్షన్లు ఉండవని పేర్కొన్నట్లు తెలుస్తోంది. 371డీ ప్రకారం స్థానికతను నిర్ధారిస్తామని కమిటీ పేర్కొందని తెలుస్తోంది. ఈ భేటీలో ఆంధ్రప్రదేశ్, తెలంగాణ రాష్ట్రాల సీఎస్‌లు రాజీవ్ శర్మ, ఐవైఆర్ కృష్ణారావులు పాల్గొన్నారు.

English summary

Kamalnathan Committee may give options for women employees.