కోడలిపై మామ అత్యాచార యత్నం: దేహశుద్ధి
విజయవాడ: వావివరుసలు మరిచిపోయి ఓ వ్యక్తి తన కోడలినే చెరపట్టాలని ప్రయత్నించాడు. అతను కోడలిపైనే అత్యాచారయత్నం చేసిన ఉదంతం నెల్లూరు జిల్లాలో జరిగింది.
జిల్లాలోని గూడూరు మండలం తిప్పవరప్పాడులో కోడలిపై మామ అత్యాచారయత్నం చేశాడు. స్థానికులు ఆ కామాంధుడిని పట్టుకొని దేహశుద్ధి చేసి పోలీసులకు అప్పగించారు. పోలీసులు వచ్చి కేసుపై దర్యాప్తు చేస్తున్నారు.
ట్రిపుల్ ఐటి విద్యార్థిని ఆత్మహత్యాయత్నం
కడప జిల్లా ఇడుపుల పాయలోని ట్రిపుల్ ఐటీలో ఓ విద్యార్థి ఆత్మహత్యాయత్నానికి పాల్పడింది. ఇడుపుల పాయలోని ట్రిపుల్ ఐటీలో భవనంపై నుంచి ఓ విద్యార్థిని దూకి ఆత్మహత్యాయత్నం చేసింది. తీవ్రంగా గాయపడిన విద్యార్థిని ఆసుపత్రికి తరలించారు. విద్యార్థిని పరిస్థితి విషమంగా ఉందని వైద్యులు చెప్పారు. విద్యార్థిని ఆత్మహత్యకు కారణాలు తెలియరాలేదు.
ఇంట్లో భారీ చోరీ
తూర్పు గోదావరి జిల్లా రాజమండ్రి సమీపంలోని బిక్కవోలు మండలం కొంకుదురులో ఓ ఇంట్లో భారీ చోరీ జరిగింది. గుర్తుతెలియని దొంగలు ఓ ఇంట్లోకి చొరబడి ఆరు లక్షల రూపాయల నగదు, 55 తులాల బంగారాన్ని అపహరించారు. పోలీసులు వచ్చి దొంగల కోసం గాలిస్తున్నారు.
Click it and Unblock the Notifications
Sign in with Google