భార్య అశ్లీల నటన: మనస్తాపంతో భర్త ఆత్మహత్య
పోలీసుల కథనం ప్రకారం - చిత్తూరు జిల్లాకు చెందిన బండారు ఉదయ్ భాను (32) కోటక్ మహీంద్రా కంపెనీలో పనిచేస్తూ అమీర్పేట సత్యం థియేటర్ సమీపంలోని ఓ అపార్టుమెంటులో స్నేహితులతో కలిసి నివాసం ఉంటున్నాడు.
ఆర్థిక ఇబ్బందులు, కుటుంబ కలహాల కారణంగా భార్య లీలారాణికి, 11 ఏళ్ల కూతురికి గత రెండేళ్లుగా అతను దూరంగా ఉంటున్నాడు. అయితే, భార్య ఇటీవల ఓ లఘు చిత్రంలో అశ్లీలంగా నటించడాన్ని అతను తట్టుకోలేకపోయాడు. దానికి తోడు అత్తారింటి వేధింపులు ఎక్కువయ్యాయి. దీంతో మంగళవారం ఉదయం అతను గదిలో ఫ్యాన్కు ఉరి వేసుకుని ఆత్మహత్య చేసుకున్నాడు.
మధ్యాహ్నం సమయంలో గదికి వచ్చిన స్నేహితులు తలుపులు తట్టారు. లోపలి నుంచి ఏ విధమైన సమాధానం రాలేదు. బలవంతంగా తలుపులు తెరిచి చూడగా అప్పటికే భాను మృతి చెంది ఉన్నాడు. పోలీసులు సూసైడ్ నోట్ స్వాధీనం చేసుకున్నారు. మృతదేహాన్ని పోస్టుమార్టం నిమిత్తం ఆస్పత్రికి తరలించారు.
Click it and Unblock the Notifications
Sign in with Google