ఒకరితో సహజీవనం చేసి బిడ్డను కన్నాడు: మరో యువతితో పెళ్లికి సిద్ధమయ్యాడు
విజయవాడ: ఓ యువకుడు ఓ యువతితో సహజీనవం చేసి మరో యువతితో పెళ్లికి సిద్దమయ్యాడు. మరి కాసేపట్లో పెళ్లి అవుతుందనగా సహజీవనం చేసిన యువతి వచ్చి అడ్డుకుంది. పెళ్లి కుమారుడు తనతో సహజీవనం చేశాడని, తనకు న్యాయం చేయాలని ఆమె పెళ్లిను అడ్డుకుంది.
ఈ ఘటన కృష్ణా జిల్లాలో జరిగింది. జిల్లాలోని పెదపారుపాడి మండలం దూలవానిగూడెంలో అనిల్ అనే యువకుడి వివాహం జరుగతుండగా ఓ మహిళ అక్కడికి వచ్చి అనిల్ తనతో సహజీవనం చేసి ఓ బిడ్డకు జన్మనిచ్చాడని ఆరోపించింది.
తనకు తెలియకుండా అనిల్ వివాహం చేసుకుంటున్నాడని, ఎలాగైనా తనకు న్యాయం చేయాలని ఆమె ఆందోళనకు దిగింది. దీంతో పెళ్లి కొడుకు అనిల్ మండపం నుంచి పరారయ్యాడు. అనిల్తో పెళ్లి ఏర్పాట్లు చేసుకున్న పెళ్లికూతురు తరఫు వారు ఈ ఊహించని పరిణామానికి బిత్తరపోయారు. ఈ ఘటనపై పోలీసులు దర్యాప్తు జరుపుతున్నారు.
అనుమానాస్పద స్థితిలో వ్యక్తి మృతి
నెల్లూరు జిల్లాలో ఓ వ్యక్తి అనుమానాస్పద స్థితిలో మరణించాడు. దుత్తలూరు పొలాల్లో చెట్టుకు ఉరేసుకుని ఆత్మహత్య చేసుకున్నాడు. ఆత్మహత్యకు పాల్పడిన వ్యక్తి కాళ్లు నేలను తాకి ఉండడంతో అనుమానాలు తలెత్తుతున్నాయి.
Click it and Unblock the Notifications
Sign in with Google