మేయర్ హత్య: విచారణలో షాకింగ్.. సినీ ఫక్కీలో తప్పించుకున్న చింటూ

చిత్తూరు: మేయర్ కటారి అనురాధ, ఆమె భర్త మోహన్ హత్య కేసులో ప్రధాన నిందితుడు చింటూ సినీ ఫక్కీలో తప్పించుకున్నాడని విచారణలో తేలిందని తెలుస్తోంది. తాను ప్రయాణించిన కారును ఎవరూ గుర్తించకుండా చింటూ వేర్వేరు నెంబర్‌ ప్లేట్లను మార్చాడు.

హత్య కొంతదూరం వరకు అసలైన నెంబర్‌తో వాహనం నడిచింది. తర్వాత మరో రెండు నకిలీ నెంబర్‌ ప్లేట్లను మార్చి ప్రయాణం చేశాడు. మార్గమధ్యలో నలుపు రంగు కారును బెంగళూరులోనే వదిలేశారు. పోలీసులు సీజ్‌ చేసిన నలుపు రంగు కారులో ఓ తుపాకీ, బురఖా ఉంది.

చింటూకు లిఫ్ట్ ఇచ్చిన కమలాకర్‌ వాహనాన్ని కూడా సీజ్‌ చేశారు. హత్య అనంతరం తప్పించుకునేందుకు చింటూ అనుసరించిన రూట్ మ్యాప్ వివరాలు విచారణలో తెలిశాయి. హత్య అనంతరం చింటూ తన సన్నిహితుడు యోగ కారులో బయటపడ్డాడు.

గంగాధర నెల్లూరు మీదుగా తిరుత్తణికి చేరుకున్నాడు. రాత్రి ఓ లాడ్జిలో బసచేశాడు. అక్కణ్నుంచి ఊటీకి చేరుకున్నాడు. ఐడీ ప్రూఫ్‌, ఇతరత్రా ఇబ్బందులు వస్తాయని ముందుగానే పసిగట్టి, కమలాకర్‌ వాహనంలోనే బయలుదేరాడు. ఆ తర్వాత కమలాకర్‌ వెళ్లిపోయాడు.

అనంతరం ప్రయివేటు వాహనంలో మైసూరు - చెన్నై- వేలూరు - గుడియాత్తం - వికోట - పూర్ణమలై మార్గం మీదుగా చింటూ ముళ్‌బాగల్‌కు చేరుకున్నాడు. హత్య కుట్రలో పాల్గొన్న చింటూ డ్రైవర్‌ వెంకటేష్‌ను వేలూరు వద్ద పోలీసులు ప్రశ్నించారు. దీంతో ఇద్దరం కలిసి వెళ్తే అనుమానం వస్తుందని అతనిని అక్కడే దించేశాడు. ఆ తర్వాత ఒక్కడే ముళ్‌బాగల్‌ నుంచి పుంగనూరు చేరుకున్నాడు.

English summary

Chintu, who is main accused in Mayor Anuradha murder case, absconded in a car.