పాలప్యాకెట్ తెస్తూ...కామాంథుడి బారిన పడిన మైనర్ బాలిక

గుంటూరు: నవ్యాంధ్ర రాజధాని ప్రాంతంలో దారుణం చోటు చేసుకుంది. ఇంటి నుంచి పాలప్యాకెట్ తెచ్చేందుకని బైటకు వెళ్లిన ఓ మైనర్ బాలికను కామంతో కళ్లు మూసుకుపోయిన దుర్మార్గుడు బలవంతంగా తన ఇంట్లోకి లాక్కెళ్లి అత్యాచారం చేశాడు. గుంటూరు జిల్లా మంగళగిరి మండలం చినకాకానిలో ఈ ఘటన చోటుచేసుకుంది.

పోలీసుల కథనం ప్రకారం...చినకాకానికి చెందిన ఓ మైనర్ బాలికకు తల్లిదండ్రులు లేరు. దీంతో ఆ బాలిక తన బాబాయి ఇంట్లో ఆశ్రయం పొందుతోంది. అయితే ఆదివారం ఉదయం ఈ బాలిక పాలప్యాకెట్ తెచ్చేందుకని సమీపంలోని కిరాణా స్టోర్ కు వెళ్లింది. అయితే తిరిగి వస్తుండగా హనీఫ్ అనే వ్యక్తి ఈ బాలికను మార్గ మధ్యంలో అడ్డగించి బెదిరించి తన ఇంట్లోకి లాక్కెళ్లాడు. ఆ తరువాత తన ఇంట్లోనే ఆ బాలికపై అత్యాచారానికి పాల్పడ్డాడు.

అత్యాచారం అనంతరం ఈ విషయం బైటకు చెబితే చంపేస్తానని బెదిరించి వదిలేశాడు. ఇంటికి తిరిగి వచ్చిన బాలిక ఈ విషయాన్ని తన బాబాయి,పిన్నిలకు తెలియజేసింది. దీంతో ఈ బాలికకు జరిగిన అన్యాయాన్ని వివరిస్తూ మైనర్ బాలిక బాబాయి పోలీసులకు ఫిర్యాదు చేశాడు. కేసు నమోదు చేసుకున్నపోలీసులు దర్యాప్తు జరుపుతున్నారు.

English summary

A minor girl was allegedly raped by a man named Hanif at his residence in Chinakakani village, Guntur district. The girl who had gone to the store to bring the Milk packet, when she coming back this man forced into his house and raped.