అక్క కూతుర్ని బలవంతంగా వ్యభిచారంలోకి దింపిన పిన్ని

ఒంగోలు: ఓ మహిళ తన అక్క కూతురును వ్యభిచార కూపంలోకి దింపిన సంఘటన ప్రకాశం జిల్లాలో చోటు చేసుకుంది. అక్రమ రవాణాకు గురై వ్యభిచార వృత్తిలో అవస్థలు పడుతున్న వేటపాలెంకు చెందిన 17 ఏళ్ల బాలికను చైల్డ్ లైన్ సంస్థ శనివారం రక్షించింది.

వేటపాలెంకు చెందిన బాలిక కూలీ పనులకు వెళ్తోంది. ఇటీవల నెల్లూరు జిల్లా కావలి సమీపంలోని అల్లూరులో ఉండే పిన్ని వేటపాలెం వచ్చింది. ఐదు రోజులు తన ఊరుకు తీసుకు వెళ్తానని చెప్పింది. ఆమె తన అక్క కూతురును అల్లూరులో నిర్మల అనే మహిళకు అప్పగించింది.

నిర్మల ఆమెతో రెండు రోజుల పాటు బలవంతంగా వ్యభిచారం చేయించింది. బాలిక చైల్డ్ లైన్ ప్రతినిధులకు సమాచారం అందించింది. దీంతో వారు ఆమెను శనివారం నాడు రక్షించారు. వ్యభిచార కూపంలోకి దింపుతున్న నిర్మలను పోలీసులు అదుపులోకి తీసుకున్నారు.

కాగా, బాధితురాలి కుటుంబ సభ్యులు ఆ పిన్నికి పలుమార్లు ఫోన్ చేసినా ఆమె ఏదో సమాధానం చెప్పేది. పదేపదే ఫోన్ చేస్తుండటంతో.. తాను ఎప్పుడో మీ ఇంటికి పంపించానని ఓసారి ఘాటుగా సమాధానం కూడా చెప్పింది.

English summary

Minor girl forced into prostitution by aunt