టీచర్‌నే: మోహన్ బాబు, వెంట విష్ణు, మనోజ్(పిక్చర్స్)

By Srinivas

Updated: Friday, September 5, 2014, 19:24 [IST]

చిత్తూరు: తాను కూడా ఉపాధ్యాయుడినేనని ప్రముఖ సినీ నటుడు మోహన్ బాబు శుక్రవారం అన్నారు. చిత్తూరు జిల్లా తిరుపతిలోని శ్రీ విద్యానికేతిన్ కళాశాలలో ఉపాద్యాయ దినోత్సవం కార్యక్రమం ఘనంగా నిర్వహించారు. ఈ కార్యక్రమంలో మోహన్ బాబు, హీరోలు మంచు విష్ణు, మంచు మనోజ్ కుమార్ తదితరులు పాల్గొన్నారు.

ఈ సందర్భంగా మోహన్ బాబు మాట్లాడారు. తాను కూడా ఉపాధ్యాయుడినేనని చెప్పారు. ఉపాధ్యాయులు విద్యార్థులను ఉత్తమంగా తయారు చేయాలన్నారు. విద్యార్థులు జీవితంలో గొప్పవాళ్లు కావాలని ఆశిస్తున్నానని చెప్పారు. సమాజగతిని నిర్ణయించేది గురువే అన్నారు.

కాగా, ఈ కార్యక్రమంలో వ్యాఖ్యాతగా పరుచూరి గోపాలకృష్ణ వ్యవహరించారు. ఈ సందర్భంగా కళాశాలలో ఏర్పాటు చేసిన మోహన్ బాబు తండ్రి మంచు నారాయణ స్వామి విగ్రహాన్ని శాంత బయోటిక్ వరప్రసాద్ రెడ్డి ఆవిష్కరించారు. ఈ కార్యక్రమానికి యార్లగడ్డ లక్ష్మీప్రసాద్ హాజరయ్యారు.

గూగుల్ డూడుల్

సెప్టెంబరు 5వ తేదీన (ఇవాళ) సర్వేపల్లి రాధాకృష్ణన్ జయంతిని పురస్కరించుకుని ఉపాధ్యాయ దినోత్సవం నేపథ్యంలో సెర్చ్ ఇంజిన్ గూగుల్ ప్రత్యేక డూడుల్ రూపొందించింది.

ఉపాధ్యాయులు, పిల్లలకు సంబంధించి తరగతి గదిని ప్రతిబింబించేలా రూపొందించిన ఈ డూడుల్‌ను గూగుల్ తన హోం పేజీలో ఉంచింది.