• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

బాబు కోసం లోకేష్ సైకిల్ యాత్ర: విశాఖ నుండి షర్మిల?

By Srinivas
|

Nara Lokesh for cycle tour to bring Babu back as CM
హైదరాబాద్/కడప: తెలుగుదేశం పార్టీ అధ్యక్షులు నారా చంద్రబాబు నాయుడు తనయుడు నారా లోకేశ్ ప్రజాక్షేత్రంలోకి అడుగు పెడుతున్నారు. రాష్ట్ర వ్యాప్త సైకిల్ యాత్రకు శ్రీకారం చుడుతున్నారు. ఈ నెల పదో తేదీ నుంచి దీనిని మొదలు పెట్టాలని నిర్ణయించారు. రాయలసీమలోని హిందూపూర్ లేదా తిరుపతి నుంచి దీనిని మొదలు పెట్టే ఆలోచన ఉంది. ఏకబిగిన మొత్తం రాష్ట్రం అంతటా పర్యటించాలని, సుమారు నెల రోజుల్లో దీనిని పూర్తి చేయాలని ఆయన యోచిస్తున్నారు.

పార్టీకి యువకళ తీసుకు వచ్చేందుకు యువతను పార్టీ దిశగా ఆకర్షించడానికి ఆయన ఈ యాత్ర పెట్టుకొన్నారు. హైదరాబాద్‌లో కూడా ఆయన కొంతకాలంగా పార్టీ విద్యార్ధి విభాగం, యువత విభాగం నేతలతో తరచూ సమావేశమవుతూ వారిని క్రియాశీలంగా నడిపించడానికి ప్రయత్నిస్తున్నారు. క్షేత్ర స్ధాయిలో కూడా విస్తృతంగా పర్యటిస్తే యువతను ఆకర్షించడానికి వీలవుతుందని, దీనివల్ల పార్టీ బలోపేతం అవుతుందని కార్యకర్తల నుంచి సూచనలు రావడంతో ఆయన ఈ కార్యక్రమానికి రూపకల్పన చేశారు.

రోజుకు ముప్పై కిలోమీటర్ల మేర యాత్ర చేసే ఉద్దేశ్యంతో ఉన్నారు. ఈ యాత్రలో టిడిపితోనే ప్రజలకు భద్రత, భవిష్యత్తు.. యువతకు విద్య, ఉద్యోగావకాశాలు ఉన్న నినాదాన్ని ప్రధానంగా తీసుకొని యాత్ర చేపట్టనున్నారు. గత పదేళ్లలో రాష్ట్రం ఎలా వెనుకబడింది వివరించనున్నారు. యాత్ర మార్గాల్లో గల కళాశాలల్లోకి వెళ్లి విద్యార్థులతో ముచ్చటిస్తారు. అక్కడక్కడ యువతను ఉద్దేశించి మాట్లాడుతారు.

విశాఖ బరిలో షర్మిల?

వైయస్సార్ కాంగ్రెసు పార్టీ అధ్యక్షులు వైయస్ జగన్మోహన్ రెడ్డికి సోదరి షర్మిలకు ప్యాచప్ అయినట్లుగా ఇటీవలె వార్తలు వచ్చిన విషయం తెలిసిందే. విశాఖ నుండి లోకసభ స్థానానికి షర్మిలను పోటీలో నిలపాలని వైయస్సార్ కాంగ్రెసు పార్టీ భావిస్తున్నట్లుగా తెలుస్తోంది. ఆమె పేరు దాదాపు ఖరారైందంటున్నారు.

English summary
Telugudesam Party chief Nara Chandrababu Naidu's son Nara Lokesh is contemplating a cycle yatra in some districts of the state in the run up to the polls.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X