బాధ అర్థంకావట్లేదు, డబ్బు కోసమే ఈ పని: శ్వేతాబసు
హైదరాబాద్: తాను కెరీర్లో తప్పుడు నిర్ణయాలు తీసుకున్నానని, తన వద్ద డబ్బులు లేవని శ్వేతాబసు చెప్పారని తెలుస్తోంది. తాను కుటుంబాన్ని చూసుకోవాల్సిన అవసరం ఉందని, మరిన్ని పనులు చేయాల్సి ఉందని చెప్పినట్లుగా సమాచారం. కుటుంబాన్ని చూసుకునేందుకు, ఇతరాలకు తన వద్ద డబ్బులు లేకుండా పోయాయని, అన్ని తలుపులు మూసుకుపోయాయని చెప్పారని తెలుస్తోంది.
ఈ సమయంలో తనను ప్రాస్టిట్యూషన్ వైపు మళ్లేలా చేశారని, డబ్బుల కోసం ఈ వైపు వచ్చానని చెప్పినట్లుగా తెలుస్తోంది. ఏ అవకాశం లేనందువల్లే తాను ఇందులోకి దిగానని చెప్పినట్లుగా తెలుస్తోంది. కేవలం తాను మాత్రమే ఈ సమస్యను ఎదుర్కోవడం లేదని, పలువురు ఇతర హీరోయిన్లు కూడా ఎదుర్కొంటున్నారని ఆమె చెప్పినట్లుగా తెలుస్తోంది.
నటి శ్వేతాబసు వ్యభిచారం చేస్తూ మూడు రోజుల క్రితం పట్టుబడిన విషయం తెలిసిందే. ఈ సందర్భంగా ఆమె తన ఆవేదనను వెళ్లగక్కినట్లుగా వార్తలు వస్తున్నాయి.
తన స్టేట్మెంట్లో శ్వేతబసు.. తన వద్ద డబ్బులేదని, తప్పుడు నిర్ణయాలు తీసుకున్నానని, కుటుంబానికి ఆసరాగా నిలబడాల్సి ఉందని, దీంతో తనకు మరో దారి లేక ఇందులోకి దిగానని, తన సమస్యను ఎవరు అర్థం చేసుకోవడం లేదని, ఈ సమస్యను తాను మాత్రమే కాకుండా మరెందరో హీరోయిన్లు ఎదుర్కొంటున్నారని ఆమె చెప్పినట్లుగా తెలుస్తోంది.