ఆన్లైన్ సెక్స్ రాకెట్: విశాఖలో హైదరాబాద్ వ్యక్తితో పాటు యువతుల అరెస్ట్
విశాఖ: ఏపీలోని విశాఖ జిల్లాలో హైటెక్ వ్యభిచార ముఠా వెలుగు చూసింది. దీని నిర్వాహకుడు హైదరాబాదులోని అమీర్ పేటకు చెందిన నీలకంఠ రెడ్డి. అతనితో పాటు ముగ్గురు యువతులను విశాఖ పోలీసులు అరెస్టు చేశారు.
వైజాగ్ కాల్ గర్ల్స్ పేరుతో అతను ఓ వెబ్ సైట్ క్రియేట్ చేశాడు. అందులో తనను అఖిల్గా పరిచయం చేసుకున్నాడు. అందులో తన కాంటాక్ట్ నెంబర్ ఉంచాడు. అందమైన అమ్మాయిలను సరఫరా చేస్తామని, కావాల్సిన వారు సంప్రదించాలని పేర్కొన్నాడు.
దాదాపు ఏడు నెలలుగా అతను ఈ దందాను కొనసాగిస్తున్నట్లుగా పోలీసులు గుర్తించారు. ఇతను విశాఖలో ఓ గదిని అద్దెకు తీసుకున్నాడు. అందులో కంప్యూటర్ ఏర్పాటు చేసుకొని ఓ మహిళ సాయంతో ఆన్ లైన్ సెక్స్ రాకెట్ ముఠాను నడుపుతున్నాడు.
దీనిపై సమాచారం అందుకున్న ద్వారకా పోలీసులు మంగళవారం ఉదయం దాడి చేశారు. ఈ దాడిలో హైదరాబాదుకు చెందిన నిర్వాహకుడైన నీలకంఠా రెడ్డి, ఆయన వద్ద పని చేస్తున్న ఓ మహిళతో పాటు మరో ఇద్దరు యువతులను అదుపులోకి తీసుకున్నారు.
Click it and Unblock the Notifications
Sign in with Google