ముద్రగడా! నా భర్తను లాగకు, బాబు నాకు దేవుడు: సునీత, బీజేపీ ఎమ్మెల్యే షాక్

అనంతపురం: రాజకీయ లబ్ధి కోసం తన భర్తను అనవసరంగా లాగవద్దని మంత్రి, టిడిపి నేత పరిటాల సునీత గురువారం నాడు కాపు నేత, మాజీ మంత్రి ముద్రగడ పద్మనాభంకు సూచించారు. కాంగ్రెస్ పార్టీ హయాంలో ఎంతమందిని చంపారో, ఆ విషయం ఆయనకు తెలియదా అని ప్రశ్నించారు.

సీనియర్ నాయకుడు అయిన ముద్రగడ ముఖ్యమంత్రి పైన వ్యాఖ్యలు చేయడం బాధాకరమని చెప్పారు. చంద్రబాబు తనకు దేవుడితే సమానమని చెప్పారు. పరిటాల రవి భద్రత కోసం ఢిల్లీకి కూడా వెళ్లారని పరిటాల సునీత చెప్పారు. ముద్రగడ దీక్ష వెనుక వేరే శక్తులు ఉన్నాయని అనుమానం వ్యక్తం చేశారు.

ముద్రగడకు ఆకుల మద్దతు

ముద్రగడ పద్మనాభంకు బీజేపీ ఎమ్మెల్యే ఆకుల సత్యనారాయణ మద్దతు పలికారు. రాజమహేంద్రవరం ఆసుపత్రిలో ముద్రగడకు వైద్య పరీక్షలు చేయించేందుకు పోలీసులు తీసుకెళ్లారు. ఆయన వైద్య పరీక్షలను నిరాకరించారు. ఆయన ఆసుపత్రిలో ఉండగా బీజేపీ ఎమ్మెల్యే ఆకుల సత్యనారాయణ సంఘీభావం తెలిపారు.

బీజేపీ ఎమ్మెల్యే ఆకుల సత్యనారాయణకు మద్దతు పలకడం ఏపీ సీఎం చంద్రబాబుకు ఝలక్ అని చెప్పవచ్చు. ఆయనకు అధికార పార్టీ లేదా టిడిపి మిత్రపక్షం బీజేపీ నుంచి పెద్దగా మద్దతు లేదు. కానీ ఆకుల సత్యనారాయణ మద్దతు పలకడం గమనార్హం.

English summary

Paritala Sunitha suggests Mudragada don't drag my husband into present politics.