దేవినేని వార్న్:హరీష్‌ని కూర్చోబెట్టి, శోభా బిజీ (పిక్చర్స్)

By Srinivas

Updated: Monday, January 27, 2014, 18:19 [IST]

హైదరాబాద్: తెలంగాణ ముసాయిదా బిల్లును తిప్పి పంపించేందుకు ముఖ్యమంత్రి కిరణ్ కుమార్ రెడ్డి నోటీసు ఇవ్వడంతో సోమవారం అసెంబ్లీ ప్రాంగణం రోజటి కంటే హాట్ హాట్‌గా కనిపించింది. కిరణ్ ఇచ్చిన నోటీసును తిరస్కరించాలని శాసన సభలో సభాపతిని, మండలిలో చైర్మన్‌ను తెలంగాణ ప్రాంత సభ్యులు డిమాండ్ చేశారు.

జై తెలంగాణ నినాదాలు చేశారు. దానికి ప్రతిగా సీమాంధ్ర ప్రాంత కాంగ్రెసు నేతలు స్పందించారు. దీంతో శాసన సభ, శాసన మండలి మంగళవారానికి వాయిదా పడింది. కిరణ్ కుమార్ రెడ్డి నోటీసు పైన తెలంగాణ ప్రాంత కాంగ్రెసు, తెలంగాణ టిడిపి, తెరాస, బిజెపి ఇతర నేతలు మండిపడ్డారు.

మరోవైపు విభజన బిల్లును తిప్పి కేంద్రానికి పంపాలని ముఖ్యమంత్రి తీసుకున్న నిర్ణయం సరైనదేనని కేంద్ర మానవ వనరుల అభివృద్ధి శాఖ మంత్రి పల్లం రాజు సమర్ధించారు. సోమవారం ఆయన తూర్పు గోదావరి జిల్లాలో మీడియాతో మాట్లాడుతూ బిల్లులో లోపాలు ఉన్నాయని ఇది వరకే హైకమాండ్‌కు చెప్పామని, అయినా వారు పట్టించుకోలేదని అన్నారు. పార్లమెంట్‌లో బిల్లును అడ్డుకునే ప్రయత్నం చేస్తున్నామన్నారు. బిల్లుకు సంబంధించిన అంశాలపై రాష్ట్రపతి నుంచి వచ్చిన తర్వాతే స్పందిస్తానన్నారు.

అసెంబ్లీ

తెలంగాణ ముసాయిదా బిల్లును వెనక్కి పంపించాలని, వైయస్సార్ కాంగ్రెసు పార్టీ సమైక్యం ముసుగులో విభజనకు సహకరిస్తోందని సీమాంధ్ర టిడిపి నేత దేవినేని ఉమామహేశ్వర రావు మండిపడ్డారు.