కేసీఆర్ మరో షాకిచ్చారు, రాజ్‌నాథ్‌తో నాయిని(పిక్చర్స్)

By Srinivas

Updated: Friday, October 31, 2014, 16:06 [IST]

హైదరాబాద్: తెలంగాణ కాంగ్రెస్ పార్టీకి తెరాస మరో షాకిచ్చింది. వరంగల్ జిల్లా సీనియర్ కాంగ్రెస్ ఎమ్మెల్యే, మాజీ మంత్రి రెడ్యానాయక్, చేవెళ్ల ఎమ్మెల్యే యాదయ్య, మాజీ ఎమ్మెల్యే మాలోతు కవితలు తెరాసలో చేరనున్నారు. వారిని మంత్రి హరీష్ రావు ముఖ్యమంత్రి కేసీఆర్ వద్దకు తీసుకు వచ్చారు. గంటకు పైగా వారు భేటీ అయ్యారు.

అనంతరం రెడ్యానాయక్ మాట్లాడుతూ.. గిరిజనుల సంక్షేమానికి తెరాస ప్రభుత్వం తీసుకున్న నిర్ణయాలు బాగున్నాయని, ప్రతి ఇంటికి మంచినీళ్లు ఇస్తామన్నారని, నీళ్లు ఇవ్వకుంటే ఓట్లు అడగబోమని చెబుతున్నారని, ఇవి తమను ఆకట్టుకున్నాయని అభిప్రాయపడ్డారు. తనతో పాటు 54 మంది నియోజకవర్గ నాయకులు తెరాసలోకి వస్తారన్నారు. కాంగ్రెస్, టీడీపీలకు చెందిన మరికొందరు ఎమ్మెల్యేలు, ఇతర ముఖ్యనేతలు త్వరలోనే తెరాసలోకి వస్తారని వార్తలొస్తున్నాయి.

విడతలవారీగా ఎమ్మెల్యేలు, ఇతర నేతల చేరికకు తెరాస ముఖ్యనేతలు వ్యూహాన్ని రచిస్తున్నారు. హైదరాబాద్, రంగారెడ్డి, మహబూబ్ నగర్ జిల్లాల కాంగ్రెస్, టీడీపీ నేతలు త్వరలోనే తెరాసలో చేరనున్నారని, వీరిలో కొందరు కీలక నేతలున్నట్లు చెబుతున్నారు. మరోవైపు, హైదరాబాదుకు వచ్చిన కేంద్ర హోంమంత్రి రాజ్‌నాథ్ సింగ్‌కు తెలంగాణ హోంమంత్రి నాయిని నర్సింహా రెడ్డి స్వాగతం పలికారు.

రెడ్యానాయక్

కేసీఆర్‌తో భేటీ అనంతరం రెడ్యానాయక్ మాట్లాడుతూ.. గిరిజనుల సంక్షేమానికి తెరాస ప్రభుత్వం తీసుకున్న నిర్ణయాలు బాగున్నాయని, ప్రతి ఇంటికి మంచినీళ్లు ఇస్తామన్నారని, నీళ్లు ఇవ్వకుంటే ఓట్లు అడగబోమని చెబుతున్నారని, ఇవి తమను ఆకట్టుకున్నాయని అభిప్రాయపడ్డారు.

రెడ్యానాయక్

తనతో పాటు 54 మంది నియోజకవర్గ నాయకులు తెరాసలోకి వస్తారన్నారు. కాంగ్రెస్, టీడీపీలకు చెందిన మరికొందరు ఎమ్మెల్యేలు, ఇతర ముఖ్యనేతలు త్వరలోనే తెరాసలోకి వస్తారని వార్తలొస్తున్నాయి.