చెల్లితో వెళ్తుంటే ముద్దుపెట్టి, తర్వాత కూడా: టెక్కీఇతనే!
హైదరాబాద్: రాష్ట్ర రాజధాని హైదరాబాదులో ఆదివారం ఓ సాఫ్టువేర్ ఇంజనీర్ యువతుల పట్ల అసభ్యంగా ప్రవర్తించడంతో స్థానికులు అతనిని చితకబాది పోలీసులకు అప్పగించిన విషయం తెలిసిందే. ఈ ఘటన కూకట్పల్లిలోని హెచ్ఎంటి కాలనీ సమీపంలో జరిగింది. షేరింగ్ ఆటోలో వెళ్తుండగా సదరు టెక్కీ యువతులతో అసభ్యంగా ప్రవర్తించాడు. దీంతో వారు అతనిని చితకబాది, అనంతరం పోలీసుల దృష్టికి తీసుకు వెళ్లారు. కూకట్ పల్లి నుండి హైటెక్ సిటీకి వెళ్తుండగా ఈ సంఘటన జరిగింది.
కూకట్పల్లి పోలీస్ స్టేషన్ పరిధిలో చోటుచేసుకుంది. కెపిహెచ్బి నివాసి అయిన శ్రీనివాస రాజు అనే సాఫ్ట్వేర్ ఇంజనీర్ ఆదివారం మధ్యాహ్నం ఆల్విన్కాలనీ షిరిడీ హిల్స్ సమీపంలో ఓ యువతుల పట్ల అసభ్యంగా ప్రవర్తించాడు. ఓ యువతి తన చెల్లెలితో కలిసి ఆటోలో వెళ్తుండగా 26 ఆరేళ్ల శ్రీనివాస్ బైక్ పైన వెంబడించాడు.
కూకట్పల్లిలోని హుడా పార్కు వద్ద ఆటో నెమ్మదించడంతో శ్రీనివాస్ ఆటోలోని ఓ యువతిని ముద్దు పెట్టి అక్కడి నుండి పరారయ్యాడు. అనంతరం ఆ యువతి తన చెల్లెలితో కలిసి హెచ్ఎంటి హిల్స్లో ఆటో దిగుతున్న సమయంలో కూడా శ్రీనివాస్ అక్కడకు చేరుకొని యువతితో అసభ్యంగా ప్రవర్తించడానికి ప్రయత్నించాడు.
ఆ యువతి కేకలు వేయడంతో స్థానికులు శ్రీనివాసును పట్టుకొని దేహశుద్ధి చేశారు. అనంతరం పోలీసులకు అప్పగించారు. పోలీసులు కేసు నమోదు చేశారు. శ్రీనివాస్ నిజాంపేటలో నివాసం ఉంటూ ఉద్యోగం చేస్తున్నాడు.
Click it and Unblock the Notifications
Sign in with Google