నిజాం లొంగిన పోస్టర్‌: స్త్రీలనూ ఎత్తేశారు (పిక్చర్స్)

By Pratap

Published: Wednesday, September 17, 2014, 18:04 [IST]

హైదరాబాద్: తెలంగాణ విమోచన దినోత్సవాన్ని ప్రభుత్వం అధికారికంగా నిర్వహించాలని డిమాండ్ చేస్తూ బిజెపి బుధవారంనాడు నిర్వహించిన నిరసన కార్యక్రమం ఉద్రిక్తంగా మారింది. గోల్కొండ కోటలో జాతీయ జెండాను ఎగురేయడానికి బిజెపికి పోలీసుల అనుమతి లభించకపోవడంతో బుధవారం ఆందోళనకు దిగారు.

బిజెపి నాయకులు బద్దం బాల్ రెడ్డి, నాగం జనార్దన్ రెడ్డి తదితరులు ఆందోళన కార్యక్రమంలో పాల్గొన్నారు. గోల్కొండ కోట వద్దకు చేరుకున్న బిజెపి నాయకులను, కార్యకర్తలను పోలీసులు అరెస్టు చేశారు. మజ్లీస్ కారణంగా తెలంగాణ విమోచన దినోత్సవాన్ని అధికారికంగా నిర్వహించడానికి తెలంగాణ ముఖ్యమంత్రి కె. చంద్రశేఖర రావు ముందుకు రావడం లేదని బిజెపి నాయకులు విమర్శించారు.

గోల్కొండ కోట వద్ద ప్రభుత్వం భారీ పోలీసు బందోబస్తును ఏర్పాటు చేసింది. దాదాపు 300 మందిని అక్కడ మోహరించింది. ఎట్టి పరిస్థితిలోనూ జాతీయ జెండాను ఎగురవేస్తామని బిజెపి నాయకులు ప్రకటించడంతో గోల్కొండ కోట వద్దనే కాకుండా బాపూ ఘాట్ వద్ద కూడా భారీగా పోలీసులను మోహరించారు.

నిజాం లొంగిన పోస్టర్

హైదరాబాద్ రాజ్యం నిజాం ఇండియన్ యూనియన్ హోం మంత్రి సర్దార్ పటేల్ ముందు లొంగిపోయిన దృశ్యం పోస్టర్‌తో బద్దం బాల్ రెడ్డి...

మహిళల అరెస్టు

తెలంగాణ విమోచన దినోత్సవాన్ని ప్రభుత్వం అధికారికంగా నిర్వహించాలని డిమాండ్ చేస్తూ ఆందోళనకు దిగిన మహిళలను పోలీసులు అరెస్టు చేశారు.

మహిళలను అరెస్టు చేస్తూ..

తెలంగాణ విమోచన దినోత్సవాన్ని అధికారికంగా నిర్వహించాలని డిమాండ్ చేస్తూ ఆందోళనకు దిగిన మహిళనలు పోలీసులు ఇలా తోసుకెళ్లారు.

ఎలా ఎత్తుకెళ్లారు..

తెలంగాణ విమోచన దినోత్సవాన్ని ప్రభుత్వాన్ని అధికారికంగా నిర్వహించాలని డిమాండ్ చేస్తూ ఆందోళనకు దిగిన బిజెపి మహిళా కార్యకర్తలను ఇలా ఎత్తుకెళ్లారు.

ఓ మహిళా కార్యకర్తను ఇలా..

తెలంగాణ విమోచన దినోత్సవాన్ని అధికారికంగా నిర్వహించాలని డిమాండ్ చేస్తూ గోల్కొండ ఖిల్లా వద్ద ఆందోళనకు దిగిన బిజెపి కార్యకర్తలను పోలీసులు బలవంతంగా అరెస్టు చేశారు.