గర్ల్స్‌తో సంబంధం పెట్టుకొని, నీలిచిత్రాలు తీసి ఎస్సెమ్మెస్

కరీంనగర్: కరీంనగర్ జిల్లా గోదావరిఖని పట్టణంలో ఒక యువతిని సెల్‌‍ఫోన్‌లో నగ్నంగా చిత్రీకరించి.. బ్లూటూత్ ద్వారా ఇతరుల సెల్‌ఫోన్‌లకు పంపిన వ్యక్తిని గోదావరిఖని పోలీసులు మంగళవారం అరెస్టు చేశారు. తనతో సన్నిహితంగా ఉన్న ఒక యువతిని రమేష్ అనే 35 ఏళ్ల వ్యక్తి.. ఆమెకు తెలియకుండా సెల్‌ఫోన్‌లో చిత్రీకరించి ఇతరులకు పంపించాడు.

వీటి ఆధారంగా పోలీసులు సుమోటో కింద కేసు నమోదు చేసి రమేష్‌ను అరెస్టు చేశారు. ఒకటో పట్టణ పోలీసు స్టేషన్‌లో ఏర్పాటు చేసిన విలేకరుల సమావేశంలో గోదావరిఖని డిఎస్పీ జగదీశ్వర్ రెడ్డి మాట్లాడారు.

గతంలో కూడా రమేష్ ఒక మహిళను ఇదేవిధంగా చిత్రీకరించి సెల్‌ఫోన్‌లలో ఎంఎంఎస్ ద్వారా పంపి ప్రచారం చేశాడని చెప్పారు. గోదావరిఖని పట్టణంలో మెడికల్ ఏజెన్సీ నిర్వహించే రమేష్ యువతులతో అక్రమ సంబంధాలు పెట్టుకొని వారిని నగ్నంగా చిత్రీకరిస్తూ బ్లాక్ మెయిలింగ్‌కు పాల్పడుతున్నట్లు వివరించారు.

English summary

Police arrested youth in Karimnagar