ఏఎస్ఐ 'రికార్డింగ్ డ్యాన్స్'.. స్టేజీ మీదే ముద్దు పెట్టేసుకున్నాడు..
స్టేజీ మీద రికార్డింగ్ డ్యాన్సర్ల స్టెప్పులకు.. ఆత్రం ఆపుకోలేక స్టేజీ ఎక్కేశాడు ఓ ఏఎస్ఐ. ఆపై తనను తాను మరిచిపోయి చిందులేశాడు. జనం చూస్తున్నారన్న స్పృహ కూడా లేకుండా..
రాజంపేట: అసాంఘీక కార్యకలాపాలకు దూరంగా ఉండాలంటూ నేరస్తులకు హితబోధ చేసే పోలీసులే.. ఒళ్లు మరిచి రికార్డింగ్ డ్యాన్సులు చేస్తే పరిస్థితేంటి? తాజాగా కడప జిల్లా రాజంపేటలో ఓ పోలీసు అధికారి ఇదే నిర్వాకాన్ని వెలగబెట్టాడు.
స్టేజీ మీద రికార్డింగ్ డ్యాన్సర్ల స్టెప్పులకు.. ఆత్రం ఆపుకోలేక స్టేజీ ఎక్కేశాడు ఓ ఏఎస్ఐ. ఆపై తనను తాను మరిచిపోయి చిందులేశాడు. జనం చూస్తున్నారన్న స్పృహ కూడా లేకుండా.. ఓ రికార్డింగ్ డ్యాన్సర్ ను స్టేజీ పైనే ముద్దుపెట్టుకున్నాడు.
రాజంపేట సమీపంలోని కుంపిణీపురంలో శుక్రవారం నాడు జరిగిన జాతరలో ఈ ఏఎస్ఐ ఇలా ప్రవర్తించాడు. సదరు ఏఎస్ఐ రాజంపేట సబ్ డివిజన్ పరిధిలోనే పనిచేస్తున్నట్టు తెలుస్తోంది. రికార్డింగ్ డ్యాన్సులకు పోలీసుల అనుమతి లేకపోయినా.. స్వయంగా పోలీసు అధికారే అందులో పాల్గొనడం.. ఆపై చిందులేయడం.. వారిని ముద్దుపెట్టుకోవడం.. తీవ్ర వివాదస్పదమవుతోంది.
కాగా, నెల్లూరుకు చెందిన ఓ రికార్డింగ్ డ్యాన్స్ ట్రూప్ ను రూ.లక్షకు ఒప్పందం కుదుర్చుకుని కుంపిణీపురానికి తీసుకొచ్చినట్టు సమాచారం.