బిజెపిలోకా: పొంగులేటి ఆరా, సోనియా నో అంటే..: జెసి

హైదరాబాద్: కాంగ్రెసు పార్టీ సీనియర్ నేత, మాజీ మంత్రి జెసి దివాకర్ రెడ్డి, శాసన మండలి సభ్యుడు పొంగులేటి సుధాకర్ రెడ్డిల మధ్య శనివారం సిఎల్పీలో ఆసక్తికరమైన చర్చ సాగింది. బిజెపిలోకి వెళ్లడం మంచిదని రెండు రోజుల క్రితం జెసి వ్యాఖ్యానించిన విషయం తెలిసిందే. దీనిపై పొంగులేటి ఆయన నుండి ఆరా తీశారు.

మీరు బిజెపిలోకి వెళ్తారని ప్రచారం జరుగుతోందని, అలాంటి పార్టీలోకి వెళ్తారా అని పొంగులేటి ప్రశ్నించారు. అందుకు జెసి స్పందిస్తూ.. చాలామంది నాయకులు ఇదే ఆలోచనతో ఉన్నారని, రాష్ట్రాన్ని విభజించాలన్న పార్టీ నిర్ణయంపై ప్రజలు ఆగ్రహంతో ఉన్నారని, ఈ పరిస్థితుల్లో పార్టీని వీడే ఆలోచన కాకుండా ఇంకేం చేయాలని బదులిచ్చారు.

సోనియా వినకుంటే అంతే: జెసి

సీమాంధ్ర కాంగ్రెసు నేతలం అందరం ఢిల్లీ వెళ్లి పార్టీ అధ్యక్షురాలు సోనియా గాంధీని కలిసి రాష్ట్రాన్ని విభజించవద్దని చెబుతామని, ఆమె వినకపోతే అందరం కలిసి మూకుమ్మడిగా రాజీనామాలు చేద్దామని జెసి దివాకర్ రెడ్డి ముఖ్యమంత్రి కిరణ్ కుమార్ రెడ్డితో చెప్పినట్లుగా తెలుస్తోంది.

కిరణ్‌తో జెసి భేటీ అయినప్పుడు పిసిసి చీఫ్ బొత్స సత్యనారాయణ, మంత్రులు కొండ్రు మురళీ, అహ్మదుల్లా తదితరులు అక్కడే ఉన్నారు.

English summary

Congress MLC Ponguleti Sudhakar Reddy on Saturday questioned JC Diwakar Reddy on his BJP comments.