స్నేక్ గ్యాంగ్: నిందితులకు లైంగిక సామర్థ్య పరీక్షలు

హైదరాబాద్: రాష్ట్ర రాజధాని హైదరాబాదులో కలకలం రేపిన స్నేక్ గ్యాంగ్ నిందితులను పోలీసులు సోమవారం ఉస్మానియా ఆసుపత్రికి తీసుకు వచ్చారు. వారికి వైద్యులు లైంగిక సామర్థ్య పరీక్షలు నిర్వహిస్తున్నారు. హైదరాబాదులో స్నేక్ గ్యాంగ్ దారుణాలు కొద్ది రోజుల క్రితం వెలుగు చూసిన విషయం తెలిసిందే.

కాగా, పలువురు స్నేక్ గ్యాంగ్ సభ్యులను పోలీసులు అరెస్టు చేసిన విషయం తెలిసిందే. స్నేక్ గ్యాంగ్ ఘోరాలను పలువురు వాట్సప్ ద్వారా అప్ లోడ్ కూడా చేశారు. వీరిని కూడా పోలీసులు అరెస్టు చేశారు.

హైదరాబాదులోని పాతబస్తీలోని షాహిన్‌నగర్ పోలీసు స్టేషన్ పరిధిలో జరిగిన సామూహిక అత్యాచారం దృశ్యాలను వాట్సప్ ద్వారా పంపిణీ చేసిన ఆరుగురిని పోలీసులు శుక్రవారం పట్టుకున్నారు. వారిని వలవేసి పట్టుకున్నారు. స్నేక్ గ్యాంగ్ దృశ్యాలను వారు సోషల్ మీడియాలో పెట్టారు. వాట్సప్ ద్వారా బాధితుల వీడియోలను ప్రచారంలో పెట్టిన సయ్యద్ బిన్ సలీం, మహ్మద్ బిన్ ఇబ్రహీం, మోసిన్ ఒమర్, అబీబ్ ఉస్మాన్ అరెస్టయినవారిలో ఉన్నారు. బాధితుల వీడియోలను ప్రసారం చేసిన ఆరు టీవీ చానెళ్లకు పోలీసులు నోటీసులు జారీ చేశారు.

హైదరాబాదులోని పాతబస్తీలో గల ఫామ్‌హౌస్‌లో కాబోయే భర్తను మోకాళ్లపై కూర్చోబెట్టి యువతిపై స్నేక్ గ్యాంగ్ సభ్యులు సామూహిక అత్యాచారం చేసిన విషయం తెలిసిందే. పాములతో భయపెట్టి మరీ దారుణానికి ఒడిగట్టారు. ఈ కేసులో ప్రధాన నిందితుడు దయానీని పోలీసులు అరెస్టు చేశారు. మరికొంతమంది నిందితులను కూడా పోలీసులు అరెస్టు చేశారు. యువతిపై సామూహిక అత్యాచారం జరిగిన తర్వాత స్నేక్ గ్యాంగ్ ఆగడాలు ఒక్కొటొక్కటే బయపడుతుంటే బయటి ప్రపంచం దిమ్మెరపోయింది.

English summary

Potency test to Snake gang accused in Osmania Hospital.