తెలుగు సినిమాలో నటిస్తున్న ఏపీ డిప్యూటీ సీఎం: షూటింగ్ ఎక్కడంటే..?

అమరావతి: ఆంధ్రప్రదేశ్ ఉపముఖ్యమంత్రి పాముల నారాయణమూర్తి పుష్ప శ్రీవాణి ఓ సినిమాలో నటిస్తున్నారు. మంత్రిగా పనిచేస్తూనే ఆ సినిమా షూటింగ్ కోసం తన సమయాన్ని కేటాయిస్తున్నారు. సందేశాత్మక చిత్రం కావడంతో ఆమె ఈ సినిమాలో నటించేందుకు అంగీకరించినట్లు తెలుస్తోంది.

ఏ పాత్రలో తెలుసా..?

గిరిజన సంక్షేమశాఖ మంత్రిగా విధులు నిర్వహిస్తున్న పుష్ప శ్రీవాణి ప్రకృతి వ్యవసాయం ప్రాధాన్యతను తెలిపేలా తెరకెక్కిస్తున్న ‘అమృత భూమి' అనే సినిమాలో నటిస్తున్నారు. ఈ సినిమాలో ఆమె టీచర్ పాత్రలో కనిపించనున్నారు.

గొరడ గ్రామంలో షూటింగ్..

ఈ సందర్భంగా విజయనగరం జిల్లాలో జరిగిన సినిమా షూటింగ్‌లో ఆమె పాల్గొన్నారు. గుమ్మలక్ష్మీపురం మండలంలోని లోవముఠా ప్రాంతం గొరడ గ్రామంలో ఈ సినిమా షూటింగ్ జరుగుతోంది.

పాఠశాల ఆవరణలో..

గొరడ గిరిజన సంక్షేమ బాలుర ఆశ్రమ పాఠశాల ఆవరణలో ఉపాధ్యాయురాలిగా డిప్యూటీ సీఎం పుష్ప శ్రీవాణిపై ఓ సన్నివేశాన్ని చిత్రీకరించారు.

ప్రకృతి వ్యవసాయం..

ప్రకృతి వ్యవసాయాన్ని ప్రోత్సహించేలా సినిమా రూపొందిస్తుండటం అభినందించదగ్గ విషయమని డిప్యూటీ సీఎం ఈ సందర్భంగా వ్యాఖ్యానించారు. కాగా, మరో అధికారి పాత్రలో కలెక్టర్ హరిజవహర్ లాల్ కూడా నటిస్తుండటం గమనార్హం.

అందుకే ఈ సినిమా..

రైతులకు ప్రకృతి వ్యవసాయం పట్ల చైతన్యర్చాలనే ఉద్దేశంతోనే ఈ సినిమాను రూపొందిస్తున్నట్లు చిత్ర బృందం తెలిపింది. పుష్ప శ్రీవాణితోపాటు పలువురు నటీనటులు ఈ చిత్ర షూటింగ్‌లో పాల్గొన్నారు.

English summary

Andhra Pradesh Deputy CM Pushpa Sreevani acting in a telugu cinema.