విశాఖపట్నం - సికింద్రాబాద్ వందేభారత్ సమయం మార్పు..!!

Updated: Saturday, June 10, 2023, 8:28 [IST]

విశాఖపట్నం - సికింద్రాబాద్ - విశాఖ మధ్య నడిచే వందేభారత్ సమయంలో మర్పు చేసారు. ఈ మేరకు వాల్తేరు రైల్వే డివిజన్ కీలక ప్రకటన చేసింది. ఒడిశాలో రైలు ప్రమాదం తరువాత గత వారం రోజులుగా ఆ మార్గం నుంచి విశాఖ మీదుగా దక్షిణాది ప్రాంతాలకు వస్తున్న పలు రైళ్లను రద్దు చేయటం..దారి మళ్లించారు. తిరిగి పలు రైళ్లను ఆ మార్గంలో పునరుద్దరించారు. కొత్త ట్రాక్ సిద్దం చేసారు. రైళ్ల రాక పోకలు తిరిగి ప్రారంభిస్తున్న సమయంలో వందేభారత్ సమయాల్లో మార్పు చేసారు.

విశాఖ - సికింద్రాబాద్ వందేభారత్ ఎక్స్‌ప్రెస్(20833) ప్రయాణీకులకు రైల్వే అధికారులు కీలక సమాచారం ఇచ్చారు. ఆదివారం మినహా వారంలో ప్రతీ రోజు ఈ రైలు ఉదయం 5.45 గంటలకు విశాఖలో బయల్దేరి మధ్నాహ్నం 2.15 గంటలకు సికింద్రాబాద్ చేరుకుంటుంది. అయితే, ఈ రోజు (జూన్ 10) మాత్రం నాలుగు గంటలు ఆలస్యంగా ఈ రైలు విశాఖ నుంచి బయల్దేరుతుందని వాల్తేరు డివిజన్ రైల్వే మేనేజర్ ప్రకటించారు.

Railway officials announces Visakaha to SEcbad Vandebharat rescheduled on 10th june

ఈ రోజు 9.45 గంటలకు విశాఖ నుంచి వందేభారత్ బయల్దేరనుంది. దీనికి సాంకేతిక అంశాలే కారణంగా చెబుతున్నారు. విశాఖ నుంచి 9.45 గంటలకు బయల్దేరి సాయంత్రం 6.15 గంటలకు రాజమండ్రి, విజయవాడ, ఖమ్మం, వరంగల్ మీదుగా సికింద్రాబాద్ చేరుకోనుంది.

#RESCHEDULING OF 20833 Visakhapatnam-Secunderabad VANDE BHARAT express leaving Visakhapatnam on 10.06.23 is rescheduled to leave at 09:45hrs on 10.06.23 Instead of its scheduled departure at 05:45hrs. @RailMinIndia @EastCoastRail @drmvijayawada @drmsecunderabad @SCRailwayIndia pic.twitter.com/jnhdVVo6rK
— DRMWALTAIR (@DRMWaltairECoR) June 9, 2023

ప్రతీ రోజు తిరుగు ప్రయాణంలో సికింద్రాబాద్ లో మధ్నాహ్నం 3 గంటలకు వందేభారత్ బయటల్దేరి వరంగల్, ఖమ్మం, విజయవాడ, రాజమండ్రి మీదుగా రాత్రి 11.30 గంటలకు విశాఖ చేరుకుంటుంది. ఈ రోజు నాలుగు గంటలు ఆలస్యం గా రైలు ప్రారంభం కానుండటంతో ఆదివారం తెల్లవారు జామున వందేభారత్ తిరిగి విశాఖ చేరుకొనే అవకాశం కనిపిస్తోంది.

సోమవారం నుంచి ఈ రైలు యధావిధిగా షెడ్యూల్ ప్రకారమే నడవనుందని అధికారులు చెబుతున్నారు. జనవరిలో ప్రారంభించిన ఈ వందేభారత్ కు ఆశించిన స్థాయి కంటే ఆదరణ పెరిగింది. ఇప్పుడు సికింద్రాబాద్ నుంచి భువనేశ్వర్ వరకు వందేభారత్ కోసం ప్రతిపాదనలు ఒడిశా ప్రభుత్వం నుంచి అందాయి. వేసవి సెలవులు ముగుస్తున్న సమయంలో వందేభారత్ కు మరింత రద్దీ కనిపిస్తోంది.