రేవంత్‌కు కేసీఆర్ బెదిరిపోయారా, అందుకే షాకిచ్చారా?: పక్కాప్లాన్

హైదరాబాద్: తెలంగాణ తెలుగుదేశం పార్టీ నాయకులు, కార్యకర్తలు తెలంగాణ రాష్ట్ర ముఖ్యమంత్రి కల్వకుంట్ల చంద్రశేఖర రావు పైన నిప్పులు చెరుగుతున్నారు. రేవంత్ రెడ్డి దూకుడును కేసీఆర్ తట్టుకోలేకపోయారని, అందుకే ఆయన పైన కుట్ర పన్ని కేసులో ఇరికించారని ఆరోపిస్తున్నారు.

మెట్రో రైలు వ్యవహారం నుండి రేవంత్ దూకుడుగా వ్యవహరిస్తున్నారని గుర్తు చేస్తున్నారు. రేవంత్‌ను తట్టుకోలేకనే గత అసెంబ్లీ ఎన్నికల్లో ఆయనను మాట్లాడకుండా చేశారని చెబుతున్నారు. ఎంతోమందిని తట్టుకొని నిలబడుతున్న కేసీఆర్.. రేవంత్ రెడ్డిని మాత్రం తట్టుకోలేకపోతున్నారని అంటున్నారు.

రూ.200 కోట్ల ముడుపులు: ఎర్రబెల్లి నిప్పులు

టీడీపీ ఎమ్మెల్యే ఎర్రబెల్లి దయాకర రావు సోమవారం మధ్యాహ్నం విలేకరులతో మాట్లాడారు. ఎమ్మెల్సీ ఎన్నికల్లో రూ.200 కోట్ల కుంభకోణం జరిగిందని ఆరోపించారు. దీని పైన సీబీఐచే విచారణ జరిపించాలని డిమాండ్ చేశారు. 63 మంది ఎమ్మెల్యేలతో ఐదుగురు ఎమ్మెల్సీలను ఎలా గెలిపించుకుంటారని ప్రశ్నించారు.

మజ్లిస్ పార్టీ కూడా తెలంగాణ ద్రోహి అన్నారు. సెటిల్మెంట్ల కోసమే తమ పార్టీ ఎమ్మెల్యేలు తెరాసలో చేరారని ఆరోపించారు. తెలంగాణ కోసం పనిచేసిన వారికి కేసీఆర్ ఏం చేశారో చెప్పాలన్నారు. స్టీఫెన్ స్వయంగా రేవంత్‌కు ఫోన్ చేసి ఓటేస్తానని చెప్పారని, కావాలనే రేవంత్‌ను ఇరికించారని ఆరోపించారు.

తెలంగాణలో ఎమ్మెల్సీ టిక్కెట్లు పొందిన వారు ఏనాడైనా ఉద్యమంలో పాల్గొన్నారా అని ప్రశ్నించారు. తెలంగాణ ద్రోహులు కేసీఆర్ వెంట ఉన్నారన్నారు. తెలంగాణను తిడుతున్న జగన్ మద్దతును తెరాస ఎలా కోరిందో చెప్పాలన్నారు. న్యాయం మా వైపు ఉందని, రేవంత్ పైన భేషరతుగా కేసు ఉపసంహరించుకోవాలన్నారు.

English summary

Revanth Reddy challenges KCR while arresting