విషాదం: టాయ్‌లెట్ క్లీనర్ తాగి శాస్త్రవేత్త మృతి

హైదరాబాద్: రాష్ట్ర రాజధాని హైదరాబాదులో విషాద సంఘటన జరిగింది. రాజేంద్రనగర్‌లోని తన నివాసంలో గుర్తించకుండా, ప్రమాదవశాత్తు టాయ్‌లెట్ క్లీనర్ తాగి డి. బాబు అనే శాస్త్రవేత్త మరణించారు. ఆయన జాతీయ వ్యవసాయ పరిశోధన యాజమాన్య సంస్థలో జూనియర్ సైంటిస్టుగా పనిచేస్తున్నారు.

32 ఏళ్ల బాబు ఈ ఏడాది మేలో వివాహం చేసుకున్నారు. ఆయన ఈ నెల 13వ తేదీ టాయ్‌లెట్ క్లీనర్ తాగాడు. దాంతో ఆయనను అస్పత్రికి తరలించారు. ఆస్పత్రిలో చికిత్స పొందుతూ ఆయన బుధవారంనాడు మరణించారు.

బాబు తమిళనాడులోని సేలం జిల్లాకు చెందినవారు. 2009 నుంచి ఆయన రాజేంద్రనగర్‌లో నివాసం ఉంటున్నారు. ఈ సంఘటనపై పోలీసులు కేసు నమోదు చేశారు.

బాబుది ఆత్మహత్య కాదని ఆయన కుటుంబ సభ్యులు అంటున్నారు. ఆయనకు సమస్యలేవీ లేవని, ఆత్మహత్య చేసుకోవాల్సిన స్థితిలో లేరని వారు చెబుతున్నారు.

English summary

A 32-year-old junior scientist, identified as D. Babu, working at the National Academy of Agricultural Research Management, died after he accidentally consumed toilet cleaner at his house in Rajendranagar.