పిచ్చోడి చేతిలో: కిరణ్పై శంకరన్న, ఉల్లి గిఫ్ట్ ఇచ్చేందుకు
తాను తెలుగువాడినని చెప్పుకునేందుకు కిరణ్ అర్డుడు కాదన్నారు. తెలుగు సరిగా రాని ఆయన తెలుగు గురించి మాట్లాడితే ఎలా అన్నారు. అధిష్టానం నిర్ణయానికి కట్టుబడి ఉంటానని చెప్పిన కిరణ్ ఇప్పుడు ఇలా వ్యవహరించడమేమిటని ప్రశ్నించారు. సోనియాను ద్రోహిలా చిత్రీకరించే ఉద్దేశ్యంతోనే కిరణ్ అలా మాట్లాడుతున్నారని, ఆయన వెంటనే రాజీనామా చేయాలని డిమాండ్ చేశారు.
పార్టీకి వ్యతిరేకంగా..
పయ్యావుల కేశవ్ పార్టీకి వ్యతిరేకంగా పని చేస్తున్నారని తెలంగాణ తెలుగుదేశం ఫోరం కన్వీనర్ ఎర్రబెల్లి దయాకర్ రావు అన్నారు. ఆయన తీరుపై మరోసారి పార్టీ అధ్యక్షుడు నారా చంద్రబాబు నాయుడుతో చర్చించనున్నట్లు తెలిపారు. అఖిలపక్ష సమావేశంపై ఎల్లుండి చర్చలు జరుపనున్నట్లు ఎర్రబెల్లి తెలిపారు. తెలంగాణకు అనుకూలంగా నిర్ణయం ఉండేలా చంద్రబాబు ఒప్పిస్తామన్నారు.
ముఖ్యమంత్రికి ఉల్లిగడ్డలు బహూకరించే యత్నం
ఉల్లిగడ్డ ధరలు విపరీతంగా పెరిగిన నేపథ్యంలో వాటిని ముఖ్యమంత్రికి దీపావళి కానుకగా బహూకరించేందుకు బిజెవైఎం ప్రయత్నించింది. శుక్రవారం సాయంత్రం క్యాంపు ఆఫీసుకు వెళ్లిన నాయకులు లోనికి వెళ్లే ప్రయత్నం చేయడంతో పోలీసులు అడ్డుకొని ఎస్సార్ నగర్ పోలీసు స్టేషన్కు తరలించారు.