• search

విచిత్రం:కోడిగుడ్డా...ప్లాస్టిక్‌ పొడా?...తేల్చేందుకు పరీక్షలు

By Suvarnaraju
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts

    అనంతపురం:నేటి కాలంలో మనిషి నిత్య జీవితం కల్తీలతో,నకిలీలతో ఎంతగా పెనవేసుకుపోయిందో ఆలోచిస్తే బెంబేలెత్తాల్సిన పరిస్థితి...బ్రతకడం కోసం మనిషి తీసుకునే ఆహారపానియాలు ఈ కల్తీ,నకిలీల కారణంగా నాసిరకంగా మారడం అటుంచి ప్రాణాంతకంగా పరిణమిస్తున్నాయి.ఉదయాన్నే లేచింది మొదలు తాగే నీరు నుంచి...పాలు,పప్పు, ఉప్పు,నెయ్యి,నూనె, బియ్యం ఇలా అన్నీ ఇటు కల్తీనో అటు నకిలీనో ఏదో ఒక ప్రభావానికి గురవుతున్న పరిస్థితి.

    అయితే ఈ క్రమంలో ఇటీవలే ప్లాస్లిక్ రైస్,ప్లాస్టిక్ కోడిగుడ్ల గురించి కూడా జోరుగా ప్రచారం జరిగినా అవి నిరూపణ కాలేదు. పైగా 5 రూపాయలకు దొరికే కోడిగుడ్డును ఎలా కల్తీ చేస్తారనే సందేహం కూడా ఎక్కువమందిలో ఉండేది...అయితే ఆ సందేహాన్ని మరోసారి తరచిచూడాల్సిన అవసరం వచ్చింది...కారణం ఏంటో ఈ వార్త చదివితే మీకే అర్థం అవుతుంది...

    Strange:Is it Egg or Plastic Powder? ...test to prove

    కోడిగుడ్డులో తెల్ల సొన ప్లాస్టిక్ పొడిగా మారినట్లు కనిపించడంతో ఖంగుతిన్న ఒక యువకుడు వైద్యుడ్ని సంప్రదించగా వారు కూడా ఆశ్చర్యపోయి ఆ పొడిని వైద్య పరీక్షలకు పంపడమే ఈ వార్తలోని ప్రధానాంశం...కర్ణాటకలోని బళ్లారి నగరంలో ఈ విచిత్రం చోటుచేసుకుంది. వివరాల్లోకి వెళితే...బళ్లారి నగరం సంగనకల్లు రహదారిలోని గాంధీనగర్‌ హౌసింగ్‌ బోర్డులో నివాసం ఉంటున్న చంద్రశేఖర్‌ అనే వ్యక్తి తన ఇంటి సమీపంలో ఉన్న ఓ దుకాణంలో కోడిగుడ్లు కొనుగోలు చేశాడు. ఓ గుడ్డును ఆమ్లెట్‌ వేసే క్రమంలో అది చేతి నుంచి జారి కింద పడింది.

    తెల్లసొన గచ్చు మీద కొంతమేరా విస్తరించడంతో ఆయన అందులో మధ్యలోని పచ్చ సొన వరకు సేకరించి ఆమ్లెట్‌ వేసుకున్నాడు. ఆ తరువాత కొంతసేపటికి గచ్చు శుభ్రం చేద్దామని చూసేసరికి ఆ తెల్ల సొన ప్లాస్టిక్‌ పొడి మాదిరిగా తయారై కనిపించడంతో అవాక్కయ్యాడు. దీంతో ఆందోళన చెందిన అతడు ఆ పొడిని, తాను కొనుగోలు చేసిన మిగిలిన గుడ్లను తీసుకొని జిల్లా ఆసుపత్రిలో ఉన్న సర్వేలెన్స్‌ అధికారి డా.అనిల్‌కుమార్‌ కు విషయం చెప్పి వాటిని అందచేశాడు.

    ఆ తరువాత ఆయన సూచన మేరకు స్థానిక హెచ్‌.ఆర్‌.గవియప్ప కూడలి వద్ద ఉన్న పశువుల ఆసుపత్రికి వెళ్లి డైరెక్టర్‌ డా.శశిధర్‌కు చూపారు. ఆయన వీటి సంగతి నిగ్గు తేల్చేందుకు ఆ నమూనాలను సేకరించి పరీక్షల నిమిత్తం ప్రయోగశాలకు పంపారు. సమాచారం అందుకున్న ఆహార తనిఖీ అధికారులు కోడిగుడ్లు విక్రయించిన దుకాణాన్ని పరిశీలించారు. వాటిని ఎక్కడ నుంచి తెచ్చారు? ఎన్ని రోజులుగా నిల్వ ఉంచారు వంటి వివరాలు సేకరించారు.

    ఈ గుడ్ల తాలూకు పరీక్షల రిపోర్టులు వస్తే గుడ్ల కల్తీకి సంబంధించి అతి ముఖ్యమైన విషయం బైటపడుతుందని భావిస్తున్నారు. మరోవైపు ఈ విషయం ఆనోటా ఈనోటా తెలుసుకున్న సామాన్య జనం గుడ్ల వాడకంపై తీవ్ర ఆందోళనకు గురవుతున్నారు. దీంతో ఆ పరీక్షల రిపోర్టుల వివరాలు తెలుసుకోవాలనుకునేవారి సంఖ్య అంతకంతకూ ఎక్కువైపోతోంది.

    English summary
    Ananthapuram:The eggalbumin transformates as plastic powder creats sensation in Bellary, Karnataka. After that that powder was sent to the lab for test.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more