కాలేజీలో దారుణం: పోర్న్ మూవీలు చూపించి, అలా చేయమంటున్నారు!
భోపాల్: మధ్యప్రదేశ్ రాష్ట్రంలోని భోపాల్లోని ఓ ప్రతిష్టాత్మక విశ్వవిద్యాలయంలో జూనియర్ విద్యార్థులు సీనియర్ల పైన తీవ్ర ఆరోపణలు చేస్తున్నారు. ర్యాగింగ్ పేరుతో సీనియర్లు తమకు బలవంతంగా శృంగార వీడియోలు చూపిస్తున్నారని బిటెక్ మొదటి సంవత్సరం విద్యార్థులు ఆరోపిస్తున్నారు.
అంతేకాదు, పోర్నోగ్రఫీ చూపించి, అందులోని చర్యలను అనుకరించాలని సీనియర్లు ఒత్తిడి చేస్తున్నారని ఆరోపించారు. బిటెక్ మొదటి సంవత్సరం విద్యార్థులు శనివారం నేషనల్ యాంటీ ర్యాగింగ్ హెల్ప్ లైన్కు ఈ విషయమై ఫిర్యాదు చేశారు. దీంతో వెలుగు చూసింది.
ఈ ఫిర్యాదు గురించి హెల్ప్ లైన్ ఇనిస్టిట్యూట్కు సమాచారం అందింది. ఫిర్యాదు చేసిన విద్యార్థులు ఆంధ్రప్రదేశ్ రాష్ట్రానికి చెందిన వారిగా తెలుస్తోంది. బిటెక్ సెకండియర్ చదువుతున్న నలుగురు విద్యార్థులు, మూడో సంవత్సరం చదువుతున్న మరో విద్యార్థి పేరును వారు తమ ఫిర్యాదులో పేర్కొన్నారు.
ఈ అయిదుగురు కూడా ఏపీకి చెందినవారేనని తెలుస్తోంది. సీనియర్లు తమ హాస్టర్ గదులకు మమ్మల్ని పిలిపించుకొని బలవంతంగా మాకు పోర్న్ సినిమాలు చూపిస్తున్నారని, ఆ తర్వాత అందులో చేసినట్లు చేసి చూపించాలని ఒత్తిడి చేస్తున్నారని ఫిర్యాదులో జూనియర్లు పేర్కొన్నారు.
గత కొద్ది నెలలుగా వారు తమను ఈ విధంగా వేధిస్తున్నారని ఫిర్యాదు చేశారు. సీనియర్ల తీరుతో జూనియర్లు చాలా డిస్టర్బ్ అవుతున్నారని అంటున్నారు. గతంలోను ర్యాగింగ్ విషయమై ఫిర్యాదులు అందాయని చెబుతున్నారు. ఈ ఫిర్యాదు మౌలానా ఆజాద్ నేషనల్ ఇనిస్టిట్యూట్ ఆఫ్ టెక్నాలజీకి చెందిన వారు చేశారు. కాగా, దీనిపై కాలేజీ డైరెక్టర్ మాట్లాడుతూ.. ఫిర్యాదు అందిందని పరిశీలిస్తున్నట్లు చెప్పారు.