శ్వేతబసు గుట్టు రట్టు ఇలా: పోలీసులు వ్యూహంపన్ని..

హైదరాబాద్: వ్యభిచారం చేస్తున్న నటి శ్వేతాబసు ప్రసాద్ (23)ను పోలీసులు పక్కా పథకం ప్రకారం పట్టుకున్నట్లు తెలుస్తోంది. ఆదివారం రాత్రి వ్యభిచారం చేస్తుండగా ఆమెను పోలీసులు అదుపులోకి తీసుకున్న విషయం తెలిసిందే. అయితే, ఏదో సమాచారం అందుకుని దాడి చేసినట్లు కాకుండా పోలీసులు పక్కా ప్రణాళికతో ఈ దాడి చేశారు.

శ్వేతాబసు ప్రసాద్ గతంలోను ఓ టీవీ చానల్ స్టింగ్ ఆపరేషన్‌లో దొరికిపోయిన విషయం తెలిసిందే. ఇప్పుడు పోలీసులు కూడా టీవీ రిపోర్టర్ల మాదిరి పక్కా ప్రణాళికతో దాడి చేశారని తెలుసోంది. విటుల వేషాల్లో వెళ్ళి పోలీసులు ఆమెను రెడ్ హ్యాండెడ్‌గా పట్టుకున్నట్లు చెబుతున్నారు.

బంజారాహిల్స్ రోడ్ నెం.2లో ఉన్న ఓ స్టార్ హోటల్లో ఖరీదైన వ్యభిచారం జరుగుతోందని పోలీసులకు సమాచారం అందింది. దీంతో, పోలీసు అధికారులు ఓ ప్రత్యేక టీంను రంగంలోకి దించారు. వారు విటుల రూపంలో వెళ్ళి శ్వేతాబసు ప్రసాద్‌ను కలిశారని చెబుతున్నారు.

వారు నిజంగానే వ్యభిచరించడానికి వచ్చారని భావించిన శ్వేతాబసు ప్రసాద్ తన రేటు వివరాలు వెల్లడించింది. ఒక్క రాత్రికి లక్ష రూపాయలంటూ ఆమె చెప్పినట్లు తెలుస్తోంది. కావాల్సిన సమాచారం లభ్యం కావడంతో శ్వేతాబసు ప్రసాద్‌ను పక్కా ఆధారాలతో అదుపులోకి తీసుకున్నారు. ఆమెతో పాటు బ్రోకర్ బాలును కూడా అరెస్టు చేశారు.

English summary

Task force police have unearthed a flesh trade racket after they raided a hotel in Banjara hills on Sunday night. Tollywood actress Swetha Basu Prasad, along with other Businessmen were caught red handed during the police raids on the hotel.