శ్రీవారి ఆశీర్వాదం: 4న సభా పక్ష నేతగా బాబు ఎన్నిక
హైదరాబాద్: జూన్ 4వ తేదీన తెలుగుదేశం పార్టీ అధ్యక్షులు నారా చంద్రబాబు నాయుడును ఆ పార్టీ ఎమ్మెల్యేలు తమ పార్టీ సభా నాయకుడిగా ఎన్నుకోనున్నారు. జూన్ 4న టిడిపి ఎమ్మెల్యేలు చిత్తూరు జిల్లా తిరుపతిలో సమావేశం కానున్నారు. ఈ సమావేశంలో శాసన సభా పక్ష నేతను ఎన్నుకుంటారు.
తిరుపతిలోని శ్రీ వెంకటేశ్వర విశ్వవిద్యాలయంలో క్యాంపస్లో జూన్ 4 (బుధవారం) టిడిపి శాసన సభ్యులు సమావేశమవుతారు. అప్పుడే చంద్రబాబును శాసన సభా పక్ష నేతగా ఎన్నుకుంటారు.
చంద్రబాబు నాయుడు విజయవాడ - గుంటూరు మధ్యలో ఉన్న ఆచార్య నాగార్జున విశ్వవిద్యాలయంలో జూన్ 8న సాయంత్రం 7.21 నిమిషాలకు ముఖ్యమంత్రిగా ప్రమాణ స్వీకారం చేస్తారు. చంద్రబాబు ప్రమాణ స్వీకారోత్సవానికి ఇప్పటికే చురుగ్గా పనులు జరుగుతున్నాయి.
జూన్ 4న శాసన సభా పక్ష నేతగా ఎన్నికయ్యాగ చంద్రబాబు ఆ రోజు రాత్రి అక్కడే బస చేస్తారు. జూన్ 5 (గురువారం) ఉదయం శ్రీవారిని దర్శించుకుంటారు.