ఖాళీ ఎమ్మెల్సీ సీటు నుంచి మంత్రి నారాయణ
ఎమ్మెల్సీ గానీ శాసనసభ్యుడు గానీ కానటువంటి నారాయణ విద్యా సంస్థల అధిపతి నారాయణను ముఖ్యమంత్రి నారా చంద్రబాబు నాయుడు తన మంత్రివర్గంలోకి తీసుకున్నారు. మంత్రిగా నియమితుడైన నారాయణ నిబంధనల మేరకు ఆరు నెలల్లోగా ఏదో ఒక సభలో సభ్యుడు కావాలి.
మే 21వ తేదీన శాసన మండలికి కోలగట్ల వీరభద్ర స్వామి రాజీనామా చేయడంతో ఆ ఖాళీ ఏర్పడింది. ఆ స్థానం కోసం తెలుగుదేశం పార్టీలో పలువురు పోటీ పడుతున్నప్పటికీ నారాయణను శాసన మండలికి ఎన్నిక చేయించాలనే ఉద్దేశంతో చంద్రబాబు ఉన్నట్లు తెలుస్తోంది.
ఎమ్మెల్యే కోటాలో జరిగే ఈ ఉప ఎన్నికకు ఆగస్టు 4వ తేదీన నోటిఫికేషన్ జారీ అవుతుంది. ఆగస్టు 11వ తేదీలోగా నామినేషన్లు దాఖలు చేయాలి. ఉపసంహరణకు తుది గడువు ఆగస్టు 14వ తేదీ. అవసరమైతే 21వ తేదీన పోలింగ్ నిర్వహించి అదే రోజు ఫలితాన్ని వెల్లడిస్తారు. అయితే, తెలుగుదేశం పార్టీకి శాసనసభలో మెజారిటీ ఉండడంతో నారాయణ ఎన్నిక నల్లేరు మీద బండి నడకేనని భావిస్తున్నారు.
Click it and Unblock the Notifications
Sign in with Google