Click it and Unblock the Notifications
Just In
Don't Miss
-
Karthika Deepam 2 పారిజాతం కళ్లలో ఆనందం కోసం బంటు.. దీపను మెప్పించిన కార్తీక్ -
56 ఏళ్లుగా ఎవరికీ కనిపించకుండా ఇంట్లోనే దాక్కున్న ఓ రహస్య వ్యక్తి... ఆడవాళ్లంటే వింత భయం..! -
89 రన్స్ కాపాడుకోవాలంటే..ఆ అద్భుతం జరగాలి!- గిల్ -
త్వరలో మేడ్ ఇన్ ఇండియా బుల్లెట్ ట్రైన్స్.. ఇక ప్రపంచ దేశాలన్నీ భారత్ వైపు చూడాల్సిందే.!! -
సిక్కింలోని యుమ్తంగ్ వ్యాలీ వేసవిలో సందర్శనకు ఉత్తమం.. -
iPhone 16 Pro కెమెరా ఫీచర్లు లీక్! కొత్తగా Anti-Reflective టెక్నాలజీ రానుంది -
ఆ కంపెనీ కొనే రేసులో టాటాలు, అంబానీ, రాధాకిషన్ దమానీ..!! పూర్తి వివరాలు..
48 గంటలు వేచి చూడమంటే గంటలో మోడీకి షాకిచ్చారు: బాబు ఎదుట 2 ప్రశ్నలు!
అమరావతి: ఏపీ సీఎం, టీడీపీ జాతీయ అధ్యక్షులు నారా చంద్రబాబు నాయుడు అందరూ ఊహించిందే చేశారు. బీజేపీకి కటీఫ్ చెబుతారని గత కొద్ది రోజులుగా అందరూ భావిస్తున్నారు. బుధవారం సాయంత్రం జైట్లీ ప్రకటన అనంతరం.. అర్ధరాత్రి చంద్రబాబు కేంద్ర కేబినెట్ నుంచి మంత్రులతో రాజీనామా చేయాలని నిర్ణయించారు.
Recommended Video
ఇది అందరూ ఊహించిందే అయినా రెండు విషయాలపై టీడీపీ మీద విమర్శలు వెల్లువెత్తుతున్నాయి. జైట్లీ, బీజేపీ మొదటి నుంచి అదే చెబుతోందని, అలాంటప్పుడు ఎన్నికలకు ముందు రాజీనామాలు గుర్తుకు వచ్చాయా అని ప్రశ్నిస్తున్నారు. అదే సమయంలో కేబినెట్ నుంచి బయటకు వస్తామని చెబుతున్న చంద్రబాబు ఎన్డీయే నుంచి ఎందుకు వైదొలగడం లేదనేది ప్రశ్న అంటున్నారు.
అరుణ్ జైట్లీ ప్రకటనతోనే ఆగ్రహమా?
బుధవారం మధ్యాహ్నం చంద్రబాబు ఏపీ అసెంబ్లీలోనే తన నిర్ణయాన్ని పరోక్షంగానైనా ప్రకటిస్తారని భావించారు. అయితే వేచి చూడాలని నిర్ణయించారు. కానీ ఆ తర్వాత సాయంత్రం అరుణ్ జైట్లీ చేసిన ప్రకటన టీడీపీకి ఆగ్రహం కలిగించిందని అంటున్నారు. అందుకే చంద్రబాబు అర్ధరాత్రి ఈ ప్రకటన చేశారని చెబుతున్నారు.
48 గంటలు వేచి చూడమన్నా
ఏపీకి న్యాయం, ప్రత్యేక ప్యాకేజీ తదితర అంశాలపై 48 గంటల పాటు వేచి చూడాలని చంద్రబాబుకు బీజేపీ అధిష్టానం చెప్పిందా అంటే అవుననే అంటున్నారు. ఆ కారణంతోనే అసెంబ్లీలో ఆయన ఆచితూచి మాట్లాడారని, కానీ జైట్లీ ప్రకటనతో చంద్రబాబు అసంతృప్తికి లోనై వెంటనే కేబినెట్ నుంచి బయటకు రావాలని నిర్ణయించుకున్నారని తెలుస్తోంది.
ఎన్డీయే నుంచి తప్పుకోలేదు
టీడీపీ కేంద్రమంత్రులు అశోక్ గజపతి రాజు, సుజనా చౌదరిలు రాజీనామాకు సిద్ధమయ్యారు. అంతకుముందే ఏపీలో బీజేపీ మంత్రులు రాజీనామా చేశారు. కేంద్రమంత్రుల రాజీనామా అనంతరం బీజేపీ అడుగులను బట్టి టీడీపీ ముందుకు వెళ్లనుంది. ఎన్డీయే నుంచి ఇంకా తప్పుకోలేదు.
మంత్రులు రాజీనామా చేసే దాకా తెచ్చారు
జైట్లీ వ్యాఖ్యలు చంద్రబాబును ఆగ్రహానికి గురి చేశాయని అంటున్నారు. దేశంలో ఆంధ్రప్రదేశ్ ఒక రాష్ట్రమని, మనమూ పన్నులు కడుతున్నామని, కేంద్రాన్ని వ్యతిరేకించానంటే రాష్ట్రం కోసమేనని, ఇప్పటికైనా నిర్ణయం తీసుకోకుంటే రాష్ట్రానికి నష్టం జరుగుతుందనే ఉద్దేశంతోనే బయటకు వచ్చామని, కేంద్ర బడ్జెట్‌ చూశాక తాను స్పందించి గట్టిగా మాట్లాడానని, దీన్ని అర్థం చేసుకోకపోగా కేంద్రం వ్యతిరేక ధోరణిలో మాట్లాడిందని బాబు మండిపడ్డారు. మంత్రులు రాజీనామా చేసే దాకా తెచ్చారన్నారు.
