అవకాశంలేదు, వెళ్లగొట్టారు!: తుమ్మల, కేబినెట్లోకి ఛాన్స్

హైదరాబాద్: తెలుగుదేశం పార్టీ నుండి తాను వెళ్లేలా చేశారని మాజీ మంత్రి, ఖమ్మం జిల్లా సీనియర్ నేత తుమ్మల నాగేశ్వర రావు ఆదివారం అన్నారు. ఆయన తత్తుపల్లిలో తన వర్గంతో భేటీ అయ్యారు. ఈ సందర్భంగా మాట్లాడారు. తాను టీడీపీని వీడేలా చేశారని వ్యాఖ్యానించారు.

పార్టీలో తనను ఇబ్బందులకు గురి చేశారని, తనను కార్నర్ చేసే ప్రయత్నాలు జరిగాయన్నారు. తాను ఖమ్మం జిల్లా అభివృద్ధి కోసమే తెలుగుదేశం పార్టీని వీడాలనుకున్నట్లు చెప్పారు.

తాను తీసుకున్న నిర్ణయం బాధాకరమైనప్పటికి తప్పలేదన్నారు. జిల్లాలను అభివృద్ధి చేయాలంటే తనకు పార్టీని వీడటం తప్ప తనకు మరో అవకాశం లేదన్నారు. కాగా, తుమ్మల నాగేశ్వర రావును ఎమ్మెల్సీ చేసి, ముఖ్యమంత్రి కేసీఆర్ కేబినెట్లోకి తీసుకునే అవకాశాలున్నాయనే ప్రచారం జరుగుతున్న విషయం తెలిసిందే.

తుమ్మల నాగేశ్వర రావు 1982 నుండి తెలుగుదేశం పార్టీలోనే ఉన్నారు. 1983 ఎన్నికల్లో పోటీ చేసి ఓడిపోయారు. 1985లో గెలిచారు. చిన్న నీటి పారుదల శాఖ మంత్రిగా పని చేశారు.1994, 1999లలో సత్తుపల్లి నుండి గెలుపొందారు. చంద్రబాబు కేబినెట్లోను మంతిరగా పని చేశారు.

English summary

Former minister Tummala Nageswara Rao on Sunday broke down while addressing his associates and followers at Sattupalli, saying he was forced to part ways with the Telugudesam.