వ్యభిచార ముఠా గట్టు రట్టు‌: టీవీ నటుడి అరెస్టు

By Pratap

Published: Friday, May 9, 2014, 19:46 [IST]

హైదరాబాద్: రాష్ట్ర రాజధాని హైదరాబాదులో వ్యభిచార ముఠా గుట్టు రట్టయింది. నగరంలోని ఎల్బీ నగర్ ప్రాంతంలో ఈ ముఠా గుట్టును టాస్క్‌ఫోర్స్ బట్టబయలు చేశారు. టాస్క్‌ఫోర్స్ పోలీసులు వ్యభిచార ముఠాపై దాడి చేసి ఆడదే ఆధారం టీవీ సీరియల్ నటుడు శ్రీనివాస్‌ను అరెస్టు చేసినట్లు మీడియాలో శుక్రవారం వార్తలు వచ్చాయి.

అతనితో పాటు పోలీసులు ముగ్గురు మహిళను, ముగ్గురు విటులను కూడా అదుపులోకి తీసుకున్నట్లు వార్తలు వచ్చాయి. పోలీసులు ఈ కేసు విచారణ జరుపుతున్నారు. అరెస్టయిన టీవీ ఆర్టిస్టు ఇంకా పలు సీరియల్స్‌లో నటిస్తున్నట్లు తెలుస్తోంది.

హైదరాబాదులో సుకన్య అనే టీవీ నటిని వ్యభిచారం చేస్తున్నప్పుడు పట్టుకున్న నేపథ్యంలో మరో వ్యభిచార ముఠా బయటపడడం గమనార్హం. బెంగాలీ టీవీ నటి సుకన్యను పోలీసులు దస్‌పల్లా హోటల్‌పై దాడి చేసిన పట్టుకున్నారు.

ఆమెతో పాటు మరికొంత మందిని కూడా పోలీసులు అదుపులోకి తీసుకున్నారు. ఈ సంఘటన కూడా తీవ్ర కలకలం సృష్టించింది.

Published On May 9, 2014