ఫోన్ పేలో యూపీఐ లైట్ ఫీచర్

రోజురోజుకూ యూపీఐ చెల్లింపులు పెరుగుతున్నాయి. చిన్న చిన్నవాటికి కూడా యూపీఐని వాడుతున్నారు. ఏ చిన్న వస్తువు కొనుగోలు చేసినా క్యూఆర్‌ కోడ్‌ స్కాన్‌ చేసి డబ్బులు చెల్లించేస్తున్నారు. దీనికోసం యూపీఐ పిన్‌ ఎంటర్‌ చేయాల్సి ఉంటుంది. పిన్ ఎంటర్ చేసే అవసరం లేకుండా మరింత సులభంగా చెల్లింపులు జరిగే నేషనల్ పేమెంట్స్‌ కార్పొరేషన్‌ (NPCI) యూపీఐ లైట్‌ ఫీచర్‌ను తీసుకొచ్చింది. గతేడాది సెప్టెంబర్‌లోనే దీనిని ప్రవేశపెట్టగా పేటీఎం ఈ ఫీచర్‌ను తీసుకొచ్చింది. తాజాగా ఫోన్‌పే కూడా యూపీఐ లైట్ ఫీచర్ తీసుకొచ్చింది.

యూపీఐ లైట్‌ అంటే : చిన్నమొత్తాల డిజిటల్ చెల్లింపుల కోసం తీసుకొచ్చిన అందుబాటులోకి తీసుకొచ్చిన ఫచరే యూపీఐ లైట్‌ సాధారణంగా పేమెంట్ చేయాలంటే యూపీఐ పిన్ ఎంటర్ చేయాల్సి ఉంటుంది. ఈ ఫీచర్‌ యాక్టివేట్ చేసుకుంటే సింగిల్ క్లిక్‌తో పిన్‌ ఎంటర్ చేసే పనిలేకుండా చెల్లింపులు చేయొచ్చు. దీనికోసం వ్యాలెట్‌లో కొంత మొత్తం యాడ్ చేయాలి. గరిష్ఠంగా రూ.2 వేల వరకు యాడ్‌ చేసుకోవచ్చు. రూ.200 వరకు లావాదేవీని సింగిల్‌ క్లిక్‌తో పూర్తి చేయొచ్చు. బ్యాంక్ సేవల్లో అంతరాయం ఉన్నప్పటికీ పేమెంట్ కు ఎటువంటి ఇబ్బంది ఏర్పడదు. దీన్ని ఎలా యాక్టివేట్ చేయాలంటే..

ఈ ఫీచర్‌ పొందాలంటే ముందుగా ఫోన్‌పే యాప్‌ లేటెస్ట్‌ వెర్షన్‌ను వాడుతుండాలి. ఫోన్‌పే యాప్‌ ఓపెన్ అయిన తర్వాత హోమ్‌ స్క్రీన్‌పై 'UPI Lite' ఆప్షన్‌ కనిపిస్తుంది. దానిపై క్లిక్‌ చేయాలి. యూపీఐ లైట్‌ ఖాతాలో ఎంతైతే జమ చేయదలుచుకున్నామో ఆ మొత్తాన్ని ఎంటర్ చేసి బ్యాంక్‌ అకౌంట్‌ను ఎంచుకోవాలి. యూపీఐ పిన్‌ ఎంటర్‌ చేయగానే 'UPI Lite' అకౌంట్‌ యాక్టివేట్‌ అవుతుంది. తర్వాత ఏ క్యూర్‌ కోడ్‌నైనా స్కాన్‌ చేసి నగదు చెల్లింపులు పూర్తిచేయవచ్చు.

English summary

National Payments Corporation (NPCI) has introduced the UPI Lite feature to make payments easier without the need to enter a PIN.