గర్భిణిపై రేప్ యత్నం: ఎనిమిది మంది నిందితుల అరెస్ట్

హైదరాబాద్: ఇటీవల నిండు గర్భిణిపై అత్యాచారయత్నానికి ప్రయత్నించిన నిందితులను హైదరాబాద్ వెస్ట్ జోన్ పోలీసులు బుధవారం అరెస్టు చేశారు. ఈ ఘటనకు సంబంధించి ఎనిమిది మందిని పోలీసులు అరెస్టు చేశారు. నిందితుల్లో ఆరుగురు మైనర్లు కాగా, ఇద్దరు యువకులు ఉన్నారు. ఎనిమిది మందిని అదుపులోకి తీసుకున్న పోలీసులు వారిపై పలు సెక్షన్ల కింద కేసు నమోదు చేశారు.

కాగా, కామంతో దుండుగులు కన్ను మిన్నూ కానకుండా వ్యవహరిస్తారని చెప్పడానికి హైదరాబాదులో దారుణ సంఘటన చోటు చేసుకున్న విషయం తెలిసిందే. ఓ నిండు గర్భిణిపై ఐదుగురు దుండగులు అత్యాచార యత్నానికి ప్రయత్నించారు.

ఈ సంఘటన మూసీనది ఒడ్డున జరిగింది. అడ్డుకోబోయిన భర్తపై దుండగులు దాడి చేశారు. కత్తులతో దాడి చేయడం వల్ల గాయపడిన మహిళ భర్త ఉస్మానియా ఆస్పత్రిలో చికిత్స పొందాడు.

మహబూబ్‌నగర్ జిల్లా ముంగనూరు నుంచి హైదరాబాద్‌లోని ఉస్మానియా ఆస్పత్రికి వైద్యం కోసం వచ్చిన దంపతులకు ఈ దారుణమైన ఘటన ఎదురైంది. బహర్భూమికి వెళ్లేందుకు దంపతులు మూసీనది ఒడ్డుకు వచ్చారు. ఆ సమయంలో దుండగులు దాడికి దిగారు.

English summary

Five miscreants in Hyderabad near Musi river attempted to rape a pregnant woman came from Mahaboobnagar district.